Epesis 4:22 - U Bulunagana U Niga

²² Na limiou go ba neiam u ngilngilina i puta i tamilimiou. U ngilngil teka e kana tara nikaka mam i tamilimiou na nonei e kato homi susul ranou limiou.

Epesis 4:22 Iomraidhean Croise

U pas te koloto menai e Pol turu kristenira i Rom 6:6

Ara e atei silera a markato a omina i tarara na i manasa i hakute gono mei e Kristo tara kuruse, ba ra tema tatei kukute lel narei a markato a omi.

U pas te koloto menai e Pol turu kristenira i Rom 7:11

Taraha, a markato a omi e sabie a maroro tego gamo menaien lia. Na tara Lo a markato teka e kato here na nei lia a katuun a mate.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

Galesia 1:13

Alimiou e atei silemiou alia u tagala sil korui u lotu turu Jiu i manasa. Na lia u kato hakamits koruri u katuun ti hatsunoni e Kristo, na lia u tagala sil korui tego kato homi meraien lia.

Epesis 2:3

Ara hoboto i markato uu ti kato uaien. Ara i kukute u ngilngil peisa i tarara i puta, bate kato uara turu ngilngil turu tuenrei na turu hakats i tarara. E Sunahan e raharaha raioura na u katuun hoboto, taraha a markato a omi e takui ia i tarara.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

Epesis 4:25

Alimiou go hanöa ba neiam a markatona turu gamo bate ranga namiou a ka te manana tara tana katuun, taraha ara hoboto e pala uara tara hun katuun tere Kristo.

Epesis 4:31

Alimiou go ba neiam u mar hakats te ka nitöa menami limiou a raharaha. Na limiou goma si koru has mi. Na ego möa lel has ta hiaraharaha na ta hiangenngena na tu hamal. Alimiou go hakapeiam u mamana u mar hakats u omi tara tana katuun.

Kolosi 2:11

Pöata ti hamana mia limiou tere Kristo, nonei e hapurese ba ria limiou turu ngilngil u omi i tuenrei milimiou. Nonei ema katoe ii a ka teka tara markato turu Jiu te hapö mena rien a hatöatongo tere Sunahan tara pal tson. E möa. Nonei e katoeien tara nitagala tere Sunahan.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Hibru 3:13

Alimiou go hihitaguhi iam turu mamana u lan antunana te ka noa uana a pöata. Taraha, a markato a omi ena mots gamo ranou limiou bate kato hahihipus ranou limiou.

Jemis 1:21

Alimiou go tsugaba neiam a man markato hoboto te korkorianana na te omina. Alimiou go haka puteiam a peisa milimiou tere Sunahan bate sasaala memiou u raranga te hakeien i torimilimiou, taraha u raranga teka e tatei luba pouts ranei limiou a niomi.

Jemis 1:26

Esi te ngöe nei a peisanen a katununa turu lotu batema kahete kap nanei u ranga pinopino i tanen, a katuun teka e gamoena a peisanen.

1 Pita 1:18

Alimiou e atei silemiou a ka te sakahis ba ria limiou tara man markato a man omi ti lue mia limiou turu tubumilimiou. E Sunahan ema sakahis rai limiou a moni tuun te tatei taiana.

1 Pita 4:3

Tara pöata i manasa alimiou u kato hantuna hakapeiam man markato a man omi te roron ngiler u katuun te hahamanar. Alimiou u ronge mia a peisa milimiou turu ngilngil u omi bate uaua pala mia tara man pati a man omi, bate tutu memiou u ramun u tagala, bate hatsunono hase miou a man got gamogamo. A markato teka alimiou u katoe men i manasa kaba i romana e möa.

2 Pita 2:7

Kaba a töa katuun a niga te kaia i Sodom a solonen e Lot. Turu mamanu lan nonei e hengoen a man raranga a man omi na te tara menaien a man markato a man omi bate kato hatiama korueiena a torinen batema mala matskö nei. Na e Sunahan e haka hanigeien tara pöata te kato homieien nonei a taun.