Epesis 4:18 - U Bulunagana U Niga

¹⁸ Nori e ka halehana ba ner a nitöatöa tere Sunahan. Na bakuren e kuhilina na e kamer u tori u omi, taraha, nori e hipus korur bate kato hatutueier u hakats i taren.

Epesis 4:18 Iomraidhean Croise

Matiu 13:15

Be Sunahan e poeiena, U katuun teka a man tui i taren e tupu hakapa. Na man talinga i taren ema antunan hengo korunei, na nori e hasoheier a mataren. Taraha, a mataren e namots tarana, na talingaren e namots hengona, ne na mots ateir. Nori ena mots habirits uarima i tar balia te kato haniga ragen.’

U Bulungana u Niga tere Iesu Kristo te kolotein e Mak 3:5

Be Iesu e hula tara uana i taren ba nonei e raharaha koruna, taraha a torir u katuun teka e roto koru batema hahan ranga palis ri. Ba nonei e poeiena tara katuun a lima mate, “Hasoa nema a limamölö.” Ba nonei e hasoa nena a limanen ba limanen e niga poutsuna.

U Bulungana u Niga tere Iesu Kristo te kolotein e Jon 12:40

“E Sunahan e kato hakuhilenou u hakhakats i taren temar kuhil uana a katuun a matakiou. Nonei e kato hatupu hasi a bakuren. Ba mataren tema antunan tara lele nei a ka te manana, na u hakats i taren ema antunan atei sil lel hase nei u raranga u mana. Na nori ema antunan habirits pouts lel uari i tar ba lia te kato haniga pouts ragen. E möa.”

Aposol 17:30

E Sunahan e tara hahalongolo tunir u katuun tara pöata i manasa ti tutu ien. Kaba i romana nonei e hatei renei u katuun tara man han hoboto egi hakapa korui a man markato a man omi na u hakats u omi i taren.

Aposol 3:17

“A man hahatoulana, alia e atei silegu a ka omi teka u kato memi limiou na pal kapan has i tamilimiou a nitutu.

U pas te koloto menai e Pol turu kristenira i Rom 1:28

U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

U pas te koloto menai e Pol turu kristenira i Rom 11:25

A matsi hahatoulana, alimiou goma pei mi alimiou e atei korumiou. Alia e ngilegu alimiou go atei sileiam u raranga u mana teka te mous i manasa: e kato uana teka, a nihihipus tara tei Israel ema ka nitöa noi romana. E möa. E antuna noa romana tara pöata te onoto noua u hihase turu katuun tema Jiu ri te pala uaier tere Sunahan.

U pas te koloto menai e Pol turu kristenira i Rom 11:7

Baha hamanasa? A tei Israel ima lue ii a ka ti ngileien. A matsi töa puku lasi turu katuun ti sabe a ka teka, u katuun te hopö kapir e Sunahan. Kaba a pal parpara koru a tori ren e kihil lasi.

U pas te koloto menai e Pol turu kristenira i Rom 2:19

Alimiou e peimiou alimiou e haröto namiou a markato tere Sunahan turu katuun u tutu, te here rari u katuun u matakiou te hula la ria turu kuhil.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

1 Korin 2:8

U tsunono panira i puta ima atei sile ii a manka teka. Sanena nori ti atei sileien, ba nori tema antunan nila nari a Tsunono Pan i tarara tara kuruse.

2 Korin 3:14

Kaba u hakats i taren i kato hatutu hatagala korui, te la noahasina i romana, a bakur u Jiu e tutu noahasina tegi atei sil menaien a nimana. A bakuna a katuun e kalata las mena a pöata te hamana uanen tere Kristo.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

Galesia 4:8

I manasa alimiou ima atei silemi e Sunahan bate hererami u katunun kui tara man got gamogamo.

Epesis 2:1

I manasa alimiou i hipusiam bate katoe miou a mamana a markato a omi, nonei te kato hamate raiou limiou.

Epesis 2:12

Alimiou go hakats pouts naiam nonei tara pöata alimiou u ka halhal ba naiam e Kristo. Alimiou tu ka halehana ba naiam u katuun tere Sunahan. A man rangan hiahanhaniga te kits gono meraien u Jiu ema la uai i tamilimiou. Alimiou u möa ta Sunahan tara han i puta teka, batema ka memi ta ka tego hamana sileiam limiou.

Kolosi 1:21

I manasa alimiou u lehana ba naiam e Sunahan, taraha limiou u kato homi iam na u hakats homi iam na i manasa alimiou has u pakö tere Sunahan.

Hibru 5:2

Nonei a pris teka ema tagala kap nanei a man markato a man omi, taraha nonei a katuun tuun, ba nonei te tuatami na turu katuun ti moa ta niatei na tema kukutieri a maroro tere Sunahan.

Hibru 9:7

Na tsunono pan turu pris puku lasi a töa te tasuia iahana a Makum a Göagono Koru, nonei e ron tasu a töa puku a pöata tara man tötöa man hiningal. Nonei e roron lui u rahatsing bate töan tasu menen ba tena hala sile neien a peisanen na u katuun has ti kato homi kaba ima atei sile ii ti kato homi uaien.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

1 Pita 1:14

Alimiou a galapien tere Sunahan go hengoe men. I manasa alimiou u tutu ba naiam e Sunahan na limiou u ka meiam u ngilngil u omi. Kaba limiou ema tatei kukute lenemi a markato teka.

1 Jon 2:11

Kaba a katuun te paköeiena a hahatoulana i tanen e kana turu kuhil. Nonei e here nei a katuun te silana tara maroro a kuhil. Na nonei ema atei sile nei ime te la uanen, taraha u kuhil e hasaheiena a matanen.