Epesis 4:12 - U Bulunagana U Niga

¹² Nonei e kato silei a ka teka tego taguhu meraien u katuun tere Sunahan ba nori te kui beren. Na tegi kato hatagala menaien u tuenrei tere Kristo bate panina.

Epesis 4:12 Iomraidhean Croise

U Bulungana u Niga tere Iesu Kristo te kolotein e Luk 22:32

Kaba lia u singo hakapa sileiou lö, o Saimon, tegoma hapolasa menai lö a nihamana i tamölö. Ba tara pöata te hakopis pouts muma lö romana i tar, ba lö te hatagala rem u toulamölö.”

Aposol 1:17

E Judas a töa has i tarara, nonei e ka has ia tara toukui ti kaia ra.”

Aposol 1:25

Nonei ega palisi e Judas tara toukui turu aposol te pile naien. E Judas e rus ia tara toukui teka me la uana tara makumun nihahuna i tanen.”

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

U pas te koloto menai e Pol turu kristenira i Rom 12:5

Na e kato has uana iesana turu kristen. Ara e parpara ra kaba ra a töa hun katuun puku noahas te hamana uara tere Kristo. Ara a töa a hun katuun bara te hihitaguhira.

U pas te koloto menai e Pol turu kristenira i Rom 12:7

Te haleia lö e Sunahan a nitagala tego taguhu menai lö a tai, balö te hitaguhu hasim. Te haleien lö a nitagala tego hihatuts uu lö, balö te hihatuts hasim.

U pas te koloto menai e Pol turu kristenira i Rom 14:19

Na ragi kute sil korui a markato te hagumena a niniganiga na te hatakei hanigeiena a katuun na te hagum haniga rena ra hoboto.

U pas te koloto menai e Pol turu kristenira i Rom 15:14

A matsi hahatoulana, alia e hamanegu alimiou u katuun u niga koru ba limiou te ka memiou a niatei te antunan hatuts pouts memi limiou a peisamiou.

U pas te koloto menai e Pol turu kristenira i Rom 15:2

Ara a man tötöa gi kato hasasaaler a man hahatoulana i tarara ba ra te taguhu raren bate hatagala raren.

U pas te koloto menai e Pol turu kristenira i Rom 15:29

Tena tara ragoua lia limiou, alia e atei silegu alia e la megou a kaan hasasaala tere Kristo te kato hasasaala koru ranou limiou.

1 Korin 12:27

Alimiou tala u tuenrei tere Kristo, na man tötöa i tamilimou a man makum turu tuenrei i tanen.

1 Korin 12:7

E Sunahan e hala ranei ra u Namnamei u Göagono i tanen bara te taguhu raiera u katuun hoboto.

1 Korin 14:12

Alimiou e ngil koruemiou tego lu mena milimiou a man nitagala turu Namnamei u Göagono. Na limiou go torohana hatagala sileiam a man nitagala te taguhu rena u katuun tere Sunahan.

1 Korin 14:14

Taraha, te singo gia lia turu tana u mar ranga, u namnamei i tar te singona, kaba u hakats i tar ema atei nei.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

2 Korin 12:19

Alimiou romana e pei toum lase miou alam e ranga kökopo nem a man ranga teka bate taguhu pouts ranou lam? E möa. Alam e ranga nem u raranga te hala nema e Kristo i matana e Sunahan, na mamanaka te katoe mulam a matsi hahatoulana, e taguhu ranou limiou.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

2 Korin 13:9

Te atei sile moua lam alimiou e hamana hatagala miou, ba lam te sasaalam, noahasina tema tagala uami lam. Alam e singo hatagala koru silem tego niga koru uaiam limiou.

2 Korin 3:8

Kaba a markato turu Namnamei e ka mena u ualesala te pan bala nena u ualesala tara Lo.

2 Korin 4:1

Te markato tala uanen teka, te hala raialam e Sunahan a toukui teka tara nitaatagi i tanen, alam ema sökana namien. E möa.

2 Korin 5:18

A mamanaka teka e lama tere Sunahan, e Sunahan pouts has te nolo pouts sila raira tere Kristo. Na nonei has te hala rai lam a toukui te go nolo pouts has merai lam a palair u katuun i tanen.

2 Korin 6:3

Alam e tataala hatskapa korum batema ngilin kato homi nami ta katuun ba nori te tatei ranga homi nariou a toukui te kate mulam.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

Epesis 1:23

U katuun tere Kristo e hereri a tuenrei nen na nonei e here nei u baku. Nori e ha onote ren, na nonei has e ha onoto hasena a mamanaka tara mamana makum.

Epesis 4:16

A luta tara spana e harokoto hatagala hobotena a mamana makum turu tuenrei. Na pöata te kui haniga hobotona a mamana makum, ba u tuenrei hoboto te pan hanigana. Ara u katuun tere Kristo e here hase rei a man makum turu tuenrei. Na ragi hiangilngil bate hiatagtaguhura ba u nihamana i tarara te pan susuluna.

Epesis 4:29

Alimiou goma ranga nami u ranga u omi. Kaba limiou go katoeiam u raranga u niga tega taguhi a katuun te ranga gono memi limiou, bate kato hasasaale nen.

Epesis 4:4

E ka mena u töa u tuenrei na u töa u namnamei, na e Sunahan e ngö sil has railimiou tego hahaloso mena milimiou a töa ka a niga tena la nama i murimuri.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

Kolosi 1:28

Alam e hatei lanem e Kristo turu katuun hoboto. Alam e torohanan hihatuts nem a mamana niatei te halani e Sunahan. Taraha, alam e ngilem a man tötöa man katuun hoboto egi herei a katuun a tangoho te kukute hanigan töa merien e Kristo.

Kolosi 4:17

Ba limiou tena hatei miou e Akipus, alö go kato hamana korui a toukui te halei lö a Tsunono.

1 Timoti 1:12

Alia e haniga koruegu e Iesu Kristo a Tsunono i tarara, te hatagale ioulia, taraha nonei e tari tu kui haniga uu lia ba nonei e lu mena nei lia tara toukui i tanen.

2 Timoti 4:11

E Luk pepeisa lasi te ka gono menou lia. Luema e Mak bate la gono memu men, taraha, nonei te tatei taguhu hanige noulia tara toukui teka.

2 Timoti 4:5

Kaba lö go tara kap hanigein a peisa mölö tara saha ka te hakamitse noulö. Alö go ranga hatei lan u Bulungana u Niga bate kuieiem a mamana toukui hoboto te katunun kui ua mölö tere Sunahan.

Hibru 13:17

Hengo haniga raiam u tsunono i tamilimiou, bate kukute miou u raranga i taren. Taraha, nori e tara kapin toa rariou limiou. Te hengo ramouen limiou, ba nori te sasaala meriou a toukui i taren. Kaba te möa nouen, ba toriren te tiama nou, ba ka teka tema taguhu ranoui limiou.

Hibru 6:1

Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.