Epesis 4:11 - U Bulunagana U Niga

¹¹ Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

Epesis 4:11 Iomraidhean Croise

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 21:8

Ba turu hamahö ba lam e la uaiem i Sisaria tina tuku ia lam i luma tere Pilip, a katuun te hahabulunganein u raranga tere Sunahan. Nonei a töa tara tohit a katuun ti hopö kapir i Jerusalem ba lam e ka gono memen.

U pas te koloto menai e Pol turu kristenira i Rom 12:7

Te haleia lö e Sunahan a nitagala tego taguhu menai lö a tai, balö te hitaguhu hasim. Te haleien lö a nitagala tego hihatuts uu lö, balö te hihatuts hasim.

1 Korin 12:4

E kamena mamana mar nitagala, kaba u töa puku u Namnamei te hala ranen.

Epesis 2:20

Alimiou e heremi a luma, na u aposol na u propet e here rari u punluma. Na e Iesu Kristo e here nei a tuulgus tara luma.

Epesis 3:5

I manasa a ka teka ima hatei rai u katuun, kaba i romana u Namnamei tere Sunahan e haröto naien turu aposol na turu propet u niga i tanen.

Epesis 4:8

Na u Buku u Göagono e mar ranga uana teka: “Pöata te la uen iasa ba nonei e la gono merena u karabus, me hala nena a man nitagala turu katuun i tanen.”

2 Timoti 4:5

Kaba lö go tara kap hanigein a peisa mölö tara saha ka te hakamitse noulö. Alö go ranga hatei lan u Bulungana u Niga bate kuieiem a mamana toukui hoboto te katunun kui ua mölö tere Sunahan.

Hibru 5:12

Alam u solon hatuts raiou limiou antunana alimiou go hihatuts hamanasa iam. Kaba e möa. Alimiou e ngil noa hasemiou a tana katuun tega hatuts lel railimiou a man markato turu raranga tere Sunahan ti hatuts tutuun railimiou. Alimiou e here pouts lel rami u göama te sus noar, tema antunan noueri a kannou a kihil.

U pas te kolotein e Jut 1:17

Kaba a mats hahikapien koru i tar, alimiou go hakats pouts naiam u raranga turu aposol tere Iesu Kristo a Tsunono i tarara.

Revelesin 18:20

Kaba alimiou u katunura i Kolö, alimiou go sasaala meiam te taia uanen. Alimiou u katuun tere Sunahan na u aposol na u propet ego sasaala iam. Taraha? E Sunahan e hahuner u katuun tara taun teka tara manka man omi ti kateien i tamilimiou!”

Revelesin 21:14

A ololo tara taun i hatakeia ieluna a maloto na huol a hatu ti koloto naia u solo tara maloto na huol a aposol tara Tunan Sipsip.