Epesis 3:20 - U Bulunagana U Niga

²⁰ Alia e soloseiegu e Sunahan, te antunan kato saluhe nena a mamanaka hoboto tara nitagala te kuina i torirara, a manka tima singo sil hasei ra na tima hakats has nai ra.

Epesis 3:20 Iomraidhean Croise

Matiu 3:9

Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.

U Bulungana u Niga tere Iesu Kristo te kolotein e Jon 10:10

A kopkop e la sil tuun lase nama tegomi kop uu bate atung hamate rena u sipsip. Alia u la silema tegimi lu menai u katuun a nitöatöa, a nitöatöa a niga nitöa.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

U pas te koloto menai e Pol turu kristenira i Rom 4:21

Nonei e hamana hatagala koru, na nonei e atei sil e Sunahan e antunan habutena a ka te ranga hamana naien.

1 Korin 2:9

U Buku u Göagono e mar ranga uana teka: “A ka ti namala tare ii u katuun na tima hengo naien na tima hakats has naien, nonei a ka te kato hahaloso berai e Sunahan u katuun ti ngileien.”

2 Korin 9:8

Be Sunahan te tatei hala ranei limiou a mamanaka a niga, ba limiou tema makmakum ba namoi ta ka. Ba limiou te ka memou a mamanaka te antunan kate moa limiou a mamana toukui a niga.

Epesis 1:19

Na lia e singo sil hasegu tego atei sil mena milimiou temar pan saluhe koru uana a nitagala i tanen te kuina iaharara u katuun te hamanara. Nonei a töa noa lahas a nitagala pan te hatakei mei e Sunahan e Kristo tara tou mate bate hagume nen tara pal matou i tanen i Kolö.

Epesis 3:7

E Sunahan e taatagi naiou lia me hale ne lia a nitagala pan i tanen, nonei e katoe ii lia a katunun kui i tanen tego habulungana menai lia u Bulungana u Niga i tanen.

Kolosi 1:29

Nonei te sioung sila gialia bate kui hatagala koru megu a nitagala i tanen te kana i tar bate las hatagala korue noulia.

1 Timoti 1:14

Ba lia e saputu megu a niniganiga tara Tsunono me tapiou menama u nihamana na u ngilngil te kana tere Iesu Kristo.

Hibru 11:19

Taraha, e Abraham e atei sil e Sunahan e antunan hatakei poutsin e Aisak tega mate uaien. Bate here talei e Abraham e lu poutseia a pien tson i tanen tara tou mate.

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

Jemis 4:12

E Sunahan a töa puku te haleiema a Lo na te tatei ona hamatskö rena u katuun. Nonei e antunan luba rena u katuun tara nomi na nonei e antunan kato hamate has rena u katuun. E markato uana teka, alimiou goma onemi esi te nigana na e si te omina.

2 Pita 1:11

Be Sunahan te haniga koruna romana tego tasu uaiam limiou tara Nipepeito tere Iesu Kristo a Tsunono i tarara te lu pouts raiou ra, a Nipepeito tema antunan kapa nei.

U pas te kolotein e Jut 1:24

Alimiou go soloseiam e Sunahan, taraha nonei a Tsunono Pan te antunan luba ranei limiou a man markato a man omi bate haka ranoua limiou i rehinen. Ba limiou te möa lel mou ta ka ta omi i tamilimiou, bate töan sasaala nitöa mou.