Epesis 3:2 - U Bulunagana U Niga

² Alia e ateigu alimiou u atei sil hakapeiam e Sunahan te hale mei lia a toukui teka ego taguhu merai lia alimiou, taraha nonei e taatagi koru ranoura.

Epesis 3:2 Iomraidhean Croise

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 13:46

Ti markato uaien teka be Pol mere Banabas e ranga hatagala korur me poeier, “E matsköna tu hala mam merai lam alimiou u raranga tere Sunahan. Kaba limiou e tori tsuga ba namen bate kato here nami a peisamiou u katuun te raman lu ner a nitöatöa te ka nitöana. Te kato uanen teka ba lam te la hamanasam tara pala tema Jiu ri.

Aposol 22:21

Ba Tsunono e poeiena i tar, ‘La, alia e hala halehana menagi lö turu katuun tema Jiu ri.’”

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

U pas te koloto menai e Pol turu kristenira i Rom 11:13

Na lia e ranga gia i tamilimiou u katuun tema Jiu ri. Alia a aposol te hala mena lei e Sunahan i tamilimiou u katuun tema Jiu ri, na lia e ngil koruegu a toukui i tar.

U pas te koloto menai e Pol turu kristenira i Rom 12:3

E Sunahan e taatagi sileiou lia be hale nei lia a nikapan tara aposol. Na lia te ranga mera goulimiou hoboto a man tötöa, alimiou goma poeiemi alimiou e kapan miou. E möa. Hakats hamatskö naiam a peisa milimiou a man tötöa e antunana te mar hamana uami limiou, bate katoemiou a toukui te matsköna, taraha e Sunahan e hala hoboto raira a nihamana.

1 Korin 4:1

Alimiou go mar tara mera milam teka, alam u katunun kui tere Kristo, ti hapepeito kap rai a man raranga tere Sunahan ti mous i manasa.

Galesia 1:13

Alimiou e atei silemiou alia u tagala sil korui u lotu turu Jiu i manasa. Na lia u kato hakamits koruri u katuun ti hatsunoni e Kristo, na lia u tagala sil korui tego kato homi meraien lia.

Epesis 1:10

E markato uana teka: pöata te butu nama romana a pöata te hopö kap mamin e Sunahan, be Sunahan te gone nou a mamanaka hobotona i kolö na i puta bate hapane nou e Kristo bate tsunono ranou uen.

Epesis 3:7

E Sunahan e taatagi naiou lia me hale ne lia a nitagala pan i tanen, nonei e katoe ii lia a katunun kui i tanen tego habulungana menai lia u Bulungana u Niga i tanen.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Epesis 4:21

Alimiou u hengo hanigeiam u raranga u mana tere Iesu, na limiou e atei sil hasemiou a manka a man mana te hatuts raien limiou.

Epesis 4:7

E Kristo e hala puku nema a man töa man nitagala tara man töa man katuun i tarara e popona tara man nitagala man kapan te ngilin hala nen turu katuun i tanen.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

Kolosi 1:6

U Bulungana u Niga teka e kato haniga rena u katuun bate kato hasasaala ranen, bate la uana tara mamana han hoboto. Te kato has uaien i gusu milimiou tara pöata ti hengo tutuun namia limiou a nihitaguhu tere Sunahan me atei sil haniga korue men.

1 Timoti 1:11

Na u hihatuts u mana na u niga nitöa te matsköna turu Bulungana u Niga te halei lia e Sunahan te pan saluhena, nonei tego hihatuts hamatskö ni lia.

1 Timoti 1:4

Na nori e gima tatei ngil koruei u hahatate pinopino na e gima hakoloto has nai a solo a para turu tuburen. Taraha, a manka teka e habutena a hiaraharaha. Na ema haröto nanei te markato uana e Sunahan, a man toukui i tanen e takui na turu nihamana.

1 Timoti 2:7

Nonei a ka te hala sile mei lia e Sunahan tego aposol uu lia i tanen, bate hatuts raiegu u katuun tema Jiu ri ba nori te tatei hamaner a ka te manana bate atei sileren. Alia ema gamogi. E möa! Alia e ranga hamanagu.

2 Timoti 1:11

E Sunahan e hopö kap mei lia tego aposol uu lia na tego habulungana menai lia u Bulungana u Niga teka bate hihatuts nagen.