Epesis 3:19 - U Bulunagana U Niga

¹⁹ Alia e singo silegu alimiou e tatei atei silemiou ime temar ngil koru mera nei e Kristo u katuun, noahasina te pan bala mena nei u ngilngil teka a niatei turu katuun. Kaba a mamanaka a niga te saputu mena e Sunahan alimiou e saputu has memouen.

Epesis 3:19 Iomraidhean Croise

Matiu 5:6

Na u katuun te ngil korueier a markato te matsköna i matana e Sunahan egi sasaala. Nori e here rari u katuun te besir na te maka siler a ka a niga. E Sunahan e ngö ranoien u katunun sasaala, taraha nori e masul riou.

U Bulungana u Niga tere Iesu Kristo te kolotein e Jon 1:16

Na tara nihitaguhu pan i tanen nonei e haniga ranou ra na e hala has ranei ra a nisasaala pan tema tatei kapa nei.

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U pas te koloto menai e Pol turu kristenira i Rom 8:35

Esi te tatei luba ranoira u ngilngil tere Kristo? A nomi tsi u tori tiama? E möa. Tara pöata te kato homi ria u katuun i tarara te hamana uara ra tere Iesu, ba ka teka e pei hasena nonei ema taatagi lel ranei ra? E möa. Tara pöata te butuna a bes i tarara tsi te kaka puku ria ra na te butuna a pöata a omi i tarara tsi a pula, ba manka teka te pei hasena e Kristo ema taatagi lel ranei ra? E möa has.

2 Korin 5:14

E Kristo e ngil koru ranoura, nonei a ka teka te hakui ranou lam. Taraha, alam e atei silem e Kristo e mate silir u katuun hoboto. Na ka teka e poeiena u katuun hoboto i mate hakapa.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Epesis 1:23

U katuun tere Kristo e hereri a tuenrei nen na nonei e here nei u baku. Nori e ha onote ren, na nonei has e ha onoto hasena a mamanaka tara mamana makum.

Epesis 3:18

Alia e singo silegu alimiou na u katuun hoboto tere Sunahan e tatei ka memiou a nitagala tego atei sil mena milimiou temar ngil hapopo mera nei e Kristo u katuun. U ngilngil i tanen e pan koruna, na e ngahangaha koruna na e la nitöa uana iasa na i puta has. Na e la hoboto uana tara mamana han na tara mamanaka.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Epesis 5:25

Alimiou a pal tson ego ngil koru raiam a touhaliou i tamilimiou, te markato has uu e Kristo nonei e ngil korui a hun katuun i tanen ba nonei e mate sil ranen.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 4:7

Na masalohana te hala nena e Sunahan e pan balana. Na u katuun ema atei haniga silerien. Kaba a masalohana teka e ka noua i torimilimiou na turu hakats i tamilimiou, te hamana uami limiou tere Iesu Kristo.

1 Pita 1:8

Noahasina alimiou ema tare mien, kaba limiou e ngile men. Na tema tara noahas memien limiou i romana, kaba limiou e hamana mia i tanen. Ba limiou te sasaala memiou a nisasaala a kapan koru te pan bala nena u raranga te torohanan hatei nanen.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita