Epesis 3:18 - U Bulunagana U Niga

¹⁸ Alia e singo silegu alimiou na u katuun hoboto tere Sunahan e tatei ka memiou a nitagala tego atei sil mena milimiou temar ngil hapopo mera nei e Kristo u katuun. U ngilngil i tanen e pan koruna, na e ngahangaha koruna na e la nitöa uana iasa na i puta has. Na e la hoboto uana tara mamana han na tara mamanaka.

Epesis 3:18 Iomraidhean Croise

U Bulungana u Niga tere Iesu Kristo te kolotein e Jon 15:13

E möa tu ngil tega antunaia turu ngil te mate sil menanei a töa katuun u katuun i tanen, nonei e haröto nena nonei e ngil koru ranen. E möa noahas tu ngil tega antunaia turu mar ngil teka.

U pas te koloto menai e Pol turu kristenira i Rom 10:3

Nori ema atei sileri temar hamatskö sila mera nei e Sunahan u katuun i matanen, ba nori tema kukutie ri a maroro i tanen. Nori e torohanan kuteier a maroro peisa i taren.

2 Korin 13:13

U katuun hoboto tere Sunahan e hala rari limiou u haniga i taren.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Epesis 1:10

E markato uana teka: pöata te butu nama romana a pöata te hopö kap mamin e Sunahan, be Sunahan te gone nou a mamanaka hobotona i kolö na i puta bate hapane nou e Kristo bate tsunono ranou uen.

Epesis 1:15

Nonei te haniga hiton sil bera gilia alimiou tere Sunahan. Pöata ti hengo naia lia temar hamana uami limiou tere Iesu a Tsunono, na temar ngil koru mera milimiou u katuun hoboto tere Sunahan, alia ima mala solopala railimiou tara man singo i tar na ti haniga sil merai lia alimiou tere Sunahan.

Epesis 3:19

Alia e singo silegu alimiou e tatei atei silemiou ime temar ngil koru mera nei e Kristo u katuun, noahasina te pan bala mena nei u ngilngil teka a niatei turu katuun. Kaba a mamanaka a niga te saputu mena e Sunahan alimiou e saputu has memouen.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

Revelesin 3:21

A katuun te tagala saluhena, alia e haniga nagou tegona gum gono menaien lia turu gumgum u göagono i tar. Taraha, alia u tagala saluhe koru ba lia ena gum gono megu e Tamar turu gumgum u göagono i tanen.