Epesis 3:12 - U Bulunagana U Niga

¹² Ba ra tema tatei matout tala rei, bate singo hamatskö uara tere Sunahan, taraha ara e hamana uara i tanen bate katuun has uara i tanen.

Epesis 3:12 Iomraidhean Croise

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

2 Korin 3:4

Alam e hamanem a ka teka, taraha e Kristo e taguhu ranou lam ba lam te hamanem e Sunahan te mana uana a ka teka.

Epesis 2:18

Turu Namnamei tere Kristo ara hoboto e antunan la hasukusuku uara tere Sunahan, taraha e Kristo e kato berai ra a ka teka.

Hibru 10:35

Alimiou goma hapolase mi u nihamana u tagala i tamilimiou, be Sunahan te hala ranei romana limiou u hamatana u niga.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Jon 2:28

A matsi galapien, ka gono nitöa meiam e Kristo. Taraha, a pöata tena la namen romana, aragi tuol hakarapoto bara tema tatei matsingolo roi tena tuol roua ra i matanen.

1 Jon 3:21

A man hahikapien, tema kout raneira a torirara, ba ra tema matoutun tuol roi i matana e Sunahan bate luera a ka te singo sile rara. Taraha, ara e hengo hanigeiera u raranga i tanen bate katoera a manka te kato hasasaale nen.