Epesis 2:8 - U Bulunagana U Niga

⁸ E Sunahan e lu pouts merai ra tara nihihitaatagi peisa i tanen turu nihamana i tarara. A ka teka ema butu mei a toukui i tarara. E möa. E Sunahan e hala pukpuku raienra.

Epesis 2:8 Iomraidhean Croise

Matiu 16:17

Be Iesu e poeiena i tanen, “O Saimon a pien tson tere Jona, e Sunahan e kalale noulö! Taraha a niatei teka ema hatei nelalei ta katuun tuun. Kaba e Tamar te kana i Kolö te hale nameien lö.

Matiu 20:9

U katuun ti tanian kui mei a pal 5 kilok i holrai a man 1 kina 1 kina tara a man tötöa.

U Bulungana u Niga tere Iesu Kristo te kolotein e Mak 16:16

A katuun te hamanana na te lueiena a baptais te lu poutse riou romana. Kaba a katuun tema hamana nei e rus noa romana turu Kout tere Sunahan.

U Bulungana u Niga tere Iesu Kristo te kolotein e Luk 7:50

Be Iesu e poeiena tara tahol, “U nihamana i tamölö e lu poutse lalou lö! La tala, a torimölö e tatei tagolala poutsuna.”

U Bulungana u Niga tere Iesu Kristo te kolotein e Jon 3:36

A katuun te hamanena nonei a Pien tere Sunahan e ka mena a nitöatöa te ka nitöana. Na katuun te hahamanana na tema hengoe neien, nonei ema tatei lue nei a nitöatöa hamana, na raharaha tere Sunahan e ka nitöana i tanen.

U Bulungana u Niga tere Iesu Kristo te kolotein e Jon 4:10

Be Iesu e ranga palise nen me poeiena, “Alö ema atei silemi a ka a niga te ngilin hala nanei lö e Sunahan na esi te rangate neilö tatsi ramun. Alö sanena te atei sile moulia, balö te tatei rangata nem tatsi ramun i tar, balia te hale goi lö u ramununa tara nitöatöa!”

U Bulungana u Niga tere Iesu Kristo te kolotein e Jon 5:24

Be Iesu e poeiena, “Alia e hatei hamana ragou limiou, a katuun te hengoena u raranga i tar na te hamana hasena e Sunahan te tula namoulia e ka mena a nitöatöa te ka nitöana. Nonei ema la noi turu kout tere Sunahan. E manana, nonei e ka halhal ba mamin a nitöatöa tere Sunahan na e herei a katuun a mate. Kaba nonei e laba nema a tou mate teka na e aroho hakapa uu tara nitöatöa tere Sunahan.

U Bulungana u Niga tere Iesu Kristo te kolotein e Jon 6:35

Be Iesu e poeiena i taren, “Alia nonei a kannou te hala nena a nitöatöa. E si te la uanama i tar ema tatei bes noi na esi te hamanana i tar ema tatei maka noi.

U Bulungana u Niga tere Iesu Kristo te kolotein e Jon 6:37

U katuun hoboto te hala mera namei e Tamar i tar e la uarima romana i tar. Alia ema antunan hakopise goi esi te la uanama romana i tar. E möa.

U Bulungana u Niga tere Iesu Kristo te kolotein e Jon 6:40

Nonei koru a ka te ngilena e Tamar, u katuun hoboto te tare riou lia na te hamana uar i tar, nori egina lueiou a nitöatöa te ka nitöana. Na lia e hatakei pouts ragoen romana tara tou mate tara kapakapana pöata.”

U Bulungana u Niga tere Iesu Kristo te kolotein e Jon 6:44

A katuun ema antunan la peisa mena mei u ngil tanen, e Tamar noahas tena hale noien u hakhakats u niga ba nonei tena la nama i tar. Na lia e hatakei poutse goen romana tara tou mate tara kapakapana a pöata.

U Bulungana u Niga tere Iesu Kristo te kolotein e Jon 6:65

Ba nonei e poeiena, “Nonei te hatei sila ragula lia limiou, a katuun ema antunan la peisa ua namei i tar e antunana te haniga nena men e Tamar.”

Aposol 13:39

A Lo tere Mosis ema antunan luba nanei a markato a omi i tamilimiou bate ngö ranei limiou u katuun u matskö. Kaba e Iesu e luba nena a markato a omi hoboto turu katuun te hamana uaier i tanen, bate ngö has raneien u katuun u matskö.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 15:11

Ara e mar hamana las uara teka: e Sunahan e lu pouts ranou ra tara nihitaguhu tere Iesu a Tsunono, markato has uana te lu pouts mera neien u katuun teka.”

Aposol 16:14

A töa tahol a solonen e Lidia e kaia i gusura a touhaliou ti hengoia i tamulam. Nonei a taholuna tara taun i Taiataira na nonei e roron haholin u labalaba a hihol i tanen te la sei. Nonei e roron hatsunoni e Sunahan, ba Tsunono e kalatena a torinen ba nonei e hanige iena u raranga tere Pol.

Aposol 16:31

Ba nori e poeier, “Hamana uu tara Tsunono e Iesu, balö te lueiem a nihitaguhu tere Sunahan, na pal katuun has i tamölö.”

U pas te koloto menai e Pol turu kristenira i Rom 10:14

Kaba ime temar singo uamölö tara ka tema hamane milö? Na nori ema antunan hamane rien, taraha nori ima hengo noa naien. Na nori ema antunan hengo narien, taraha e möa ta katuun tega hatei raien u ranga. Kaba tega hala mam raien e Sunahan u katuun ba nori te hatei laner u ranga i tanen, ba u katuun te antunan hengo naren bate hamanar bate töan singo uaier i tanen. Ti mar koloto has menaien turu Buku u Göagono: “Ara e sasaala koru mera te tara mera rira u katuun te la merima u Bulungana u Niga!”

U pas te koloto menai e Pol turu kristenira i Rom 10:17

U nihamana e la nama tara ka te hengoe rara, na ka te hengoe rara nonei u raranga tere Kristo. Ara e hengoera u ranga, bara te töan hamanara.

U pas te koloto menai e Pol turu kristenira i Rom 4:16

Nonei te hala sila naia e Sunahan u raranga hamana teka i tanen turu katuun te hamanar. A nihitaguhu peisa tere Sunahan te habutu hamane nou u raranga hamana i tanen. E markato uana teka bu ranga hamana i tanen te la uana turu katuun hoboto tere Abraham. E la hoboto uana i tarara u katuun te hamanara, u Jiu na u katuun has tema Jiu ri, tegi mar hamana uu ra temar hamana uu e Abraham. Taraha, e Abraham e here nei e tuburara hoboto u katuun te hamanara.

U pas te koloto menai e Pol turu kristenira i Rom 4:5

Kaba a katuun tema hakats hapara nanei a toukui a niga na markato a niga i tanen bate hamana tuun na tere Sunahan, be Sunahan te tarena u nihamana i tanen bate töan ngöe neien a katuun a matskö i matanen. Taraha, e Sunahan te tatei kato hamatskö hasena a katuun a omi.

U pas te koloto menai e Pol turu kristenira i Rom 9:16

E Sunahan ema hopö kap mera nei u katuun u ngilngil i taren na tara markato i taren. Nonei e hopö kap meranei u katuun a nihitaguhu peisa i tanen.

Galesia 3:14

E Kristo e markato uu teka ba u katuun has tema Jiu ri te kalala sila raria tere Abraham ti hamana uaien tere Iesu Kristo. Nonei e markato uu teka ba tara nihamana i tarara bara e luera u Namnamei u Göagono tere Sunahan ti ranga hamana nen.

Galesia 3:22

U Buku u Göagono e mar ranga uana teka, a markato a omi e karabus raiena u katuun hoboto i puta tara nitagala i tanen. A ka teka i kato sile ii u katuun te hamana uaier tere Iesu Kristo egi lui a ka te ranga hamanein e Sunahan.

Epesis 1:19

Na lia e singo sil hasegu tego atei sil mena milimiou temar pan saluhe koru uana a nitagala i tanen te kuina iaharara u katuun te hamanara. Nonei a töa noa lahas a nitagala pan te hatakei mei e Sunahan e Kristo tara tou mate bate hagume nen tara pal matou i tanen i Kolö.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

Pilipai 1:29

E Sunahan e hanigeiena, alimiou go solosei sila namia e Kristo te hamana uami limiou i tanen na te lu mena moi limiou u kamits i tanen.

Kolosi 2:12

Pöata ti lueia limiou a baptais, e here ii alimiou i kaho gono merai e Kristo. Na pöata tu hamanaia limiou tara nitagala tere Sunahan, te hatakei poutseia e Kristo tara tou mate i tanen, e here nei e Sunahan e hatakei pouts gono merai limiou e Iesu Kristo.

2 Tesalonaika 1:9

U katuun teka e ka homi nitöa riou romana, na nori te ka halhal ba nitöa nariou a Tsunono na nitagala pan has i tanen.

Hibru 6:4

E möa koru tegi antunan palis lel menai u katuun u hakhakats i taren ti hapolasa ba menaien e Sunahan. Nori i ka mamia turu ualesala tere Sunahan. Na nori i atei ia i peisaren, a ka a nigana i Kolö, na nori i ka hasia turu Namnamei u Göagono.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.