Epesis 2:2 - U Bulunagana U Niga

² Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

Epesis 2:2 Iomraidhean Croise

Matiu 11:19

Na lia tu butun Katunuma e nougu na e uagu. Kaba nori e poeier alia a katuun a nounou pala, na uaua pala. Na e kapiena has raiegu u katuun te lulueier a takis na u katuun u omi. Kaba a man markato turu katuun tere Sunahan e haröto nena te mana uana a niatei i tanen.”

Matiu 13:22

“Na man ngal ti tsihasa naia tara kolits a hihitoka e here nei u katuun te hengoer u raranga, kaba nori e ka mer u hakhakats pan tara nitöatöana i puta, bate ngileier tegi lu menai ta moni ta parpara. Na manka teka e here nei e pil kakap nena u raranga tere Sunahan batema habute nei ta markato ta niga turu katuun teka.

Matiu 13:38

Na kui e here nei u han hoboto i puta. Na man ngal a man niga e here nei u katunura tara Nipepeito tere Sunahan. Na u pulung u omi e here nei u katuun tere Satan.

U Bulungana u Niga tere Iesu Kristo te kolotein e Mak 4:19

Kaba nori e hakats koru ner a mamanakana i puta bate ngilin lu ner ta moni pan, bate matesil koruer tegi lu menai ta palaina ta ka. Na mamanaka teka e butu talana bate pil kap nena u raranga tere Sunahan, bu raranga i tanen tema habutu talenei ta markato ta niga turu katuun teka.

U Bulungana u Niga tere Iesu Kristo te kolotein e Luk 16:8

Ba tsunono tara tson pepeitokap e hengo nena a ka teka me ranga sesei koru nanen. ‘Nonei a tson pepeitokap a atein gamo koru.’ U katunura i romana e atein gamo koru rer u katuun, na tara markato teka nori e atei saluhe raier u katunura turu ualesala.”

U Bulungana u Niga tere Iesu Kristo te kolotein e Luk 22:31

Be Iesu e poeiena tere Pita, “Saimon, Saimon, hengo! E Satan e rangata hatagala sil tega torohana meraien limiou hoboto, be Sunahan e hanigana. A nitorohana tere Satan teka e here nei a katuun te lu katena a kannou a niga na bita.

U Bulungana u Niga tere Iesu Kristo te kolotein e Jon 12:31

A pöata turu kout tere Sunahan e butu hakapa. Nonei e katsin tsuga ba tala nena e Satan.

U Bulungana u Niga tere Iesu Kristo te kolotein e Jon 13:2

A ka e lahi hakapa ba nori e nour, kaba e Satan e haka hakapeia u hakhakats tere Judas Iskariot a pien tere Saimon tego haröto menaien e Iesu turu katuun ti paköe ien.

U Bulungana u Niga tere Iesu Kristo te kolotein e Jon 13:27

Pöata te lu hakapeia e Judas a tsi makumun beret, be Satan e seina i tanen. Be Iesu e poeiena i tanen, “Kato borobori a ka te katsin katoe mölö.”

U Bulungana u Niga tere Iesu Kristo te kolotein e Jon 14:30

Alia ema antunan raranga pala lel gia i tamilimiou, taraha a kapan tara han i puta teka e la nama. A nitagala i tanen ema antuna neia i tar.

U Bulungana u Niga tere Iesu Kristo te kolotein e Jon 15:19

Sanena tego katuun uami limiou i puta, u katuunur i puta sane ngil rariou limiou. Kaba e moa tala. Nori ema ngil rari limiou, taraha alimiou ema katuun lel uami i puta. Alia u luba hakapa raia limiou tara markatona i puta, nonei te raharaha be rari limiou u katunura i puta.

U Bulungana u Niga tere Iesu Kristo te kolotein e Jon 16:11

Na e Sunahan e ona ranou u katunura i puta, taraha nonei e hopö kap hakapein a nihahuna tara katuun te panna tara han i puta teka, nonei e Satan.

U Bulungana u Niga tere Iesu Kristo te kolotein e Jon 7:7

U katuun i puta ema antunan omi rari limiou, kaba nori e omie riou lia, taraha alia e hatei ragien te omi uana a markato i taren.

U Bulungana u Niga tere Iesu Kristo te kolotein e Jon 8:23

Be Iesu e poeiena i taren, “Alimiou u butu mia tara han i puta teka, kaba alia u lama iasa. Alimiou u katunura i puta, kaba alia ema katuun uagi i puta.

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

Aposol 19:35

Ba töa katuun pan ni Epesis e kato hakakamoto rena u katuun me poeiena, “Ara u katunura i Epesis, u katuun hoboto e atei siler i Epesis nonei a taun te tara kap nena a luman lotu tara tetahol pan e Atemis, na taun has tara hatu a göagono te rusma i Kolö.

Aposol 5:3

Be Pita e poeiena i tanen, “O Ananias, aha tu hengo sile ii lö u hiamus tere Satan balö te gamoeiem u Namnamei u Göagono? Alö u pile kap pouts sil nai a hapalana moni ti hole ii u tsiktsiki, aha?

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

1 Korin 5:10

Alia uma ranga nai u tematan te tsiktsikolor tsi te gono beri a peisaren a manka na u kopkop na u katuun te hatsunoner u kesa. E möa. Sanena limiou goma ka gono merami u mar katuun teka, ba limiou te laba namiou a han i puta.

1 Korin 6:11

A palai i tamilimiou i kato has uu teka i manasa. Kaba e Sunahan e galus hakapa ban a man markato a man omi i tamilimiou bate hagöagono ranou limiou. Nonei e kato hamatskö sila raia limiou tara solona e Iesu Kristo a Tsunono na turu Namnamei tere Sunahan i tarara.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Epesis 1:21

E Kristo e tsunono na tara makum teka bate pan saluhe nena a mamana mar tsunono na mamana mar nitagala. Na nonei e pan saluhe has nena a mamanaka hoboto te ka mena a solo pan, tara han i puta i romana na tara hanina i murimuri.

Epesis 2:11

Alimiou u katuun halhal ima posa gono merai lam u Jiu, na limiou e atei silemiou alam e ngö rami limiou u katuun tema ka memi a hatöatongo tere Sunahan i pikpikö milimiou, taraha alam e roron hapö nem a hatöatongo tere Sunahan kaba limiou u möa.

Epesis 2:13

Alimiou u ka halehana iam i manasa, kaba i romana alimiou e hamana uamiou tere Iesu Kristo, na turu rahatsing tere Kristo e Sunahan e lu hasukusuku meranei limiou i tanen.

Epesis 2:3

Ara hoboto i markato uu ti kato uaien. Ara i kukute u ngilngil peisa i tarara i puta, bate kato uara turu ngilngil turu tuenrei na turu hakats i tarara. E Sunahan e raharaha raioura na u katuun hoboto, taraha a markato a omi e takui ia i tarara.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

Epesis 4:22

Na limiou go ba neiam u ngilngilina i puta i tamilimiou. U ngilngil teka e kana tara nikaka mam i tamilimiou na nonei e kato homi susul ranou limiou.

Epesis 5:6

Hanei sileiam tego gamo merai ta katuun alimiou u ranga pinopino. Nonei a mamanaka teka te kato haraharahena e Sunahan, be Sunahan te hahuna ranou u mar katuun temar hipus uaier teka.

Epesis 5:8

Alimiou i ka has mia turu kuhil. A ka teka e haharuei nena a markato a omi. Kaba i romana alimiou e ka tala mia turu ualesala tara Tsunono. Ba limiou te ka here rami u katunura turu ualesala.

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

Kolosi 1:21

I manasa alimiou u lehana ba naiam e Sunahan, taraha limiou u kato homi iam na u hakats homi iam na i manasa alimiou has u pakö tere Sunahan.

2 Timoti 4:10

Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

Jemis 1:7

Nonei ema tatei hakats nanei tega lu menaien ta ka tara Tsunono. U hakats i tanen e lakatana tere Sunahan na tara mamanakana i puta, na u hakhakats i tanen e gagasina.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

1 Pita 1:14

Alimiou a galapien tere Sunahan go hengoe men. I manasa alimiou u tutu ba naiam e Sunahan na limiou u ka meiam u ngilngil u omi. Kaba limiou ema tatei kukute lenemi a markato teka.

1 Pita 4:3

Tara pöata i manasa alimiou u kato hantuna hakapeiam man markato a man omi te roron ngiler u katuun te hahamanar. Alimiou u ronge mia a peisa milimiou turu ngilngil u omi bate uaua pala mia tara man pati a man omi, bate tutu memiou u ramun u tagala, bate hatsunono hase miou a man got gamogamo. A markato teka alimiou u katoe men i manasa kaba i romana e möa.

2 Pita 2:14

Nori e ngilin tara las uaier turu touhaliou u omi. Ba tema hakaperi u ngilngil i taren te ngil mena rien a markato a omi. Nori e ron gamogamo raier u katuun te hula hakatsir. Na nori i solon alena talein a markato te riri sil menari a ka tara tana katuun, na e Sunahan e ranga hohomi hakapa raien.

1 Jon 3:10

A ka teka e haröto nena a katuun te pien uana tere Sunahan na katuun te pala uana tere Satan: a katuun tema kato haniga nei ema pien uanei tere Sunahan. Na katuun tema ngile nei a hahatoulana i tanen ema pala has uanei tere Sunahan.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.

1 Jon 4:4

A man hahikapien i tar, alimiou a galapien tere Sunahan na limiou e tagala bala ramiou u propet u gamogamo teka. Taraha, u Namnamei te kana i tamilimiou e pan bala nena u liliahanei te karia turu katunura i puta tema katuun uari tere Sunahan.

1 Jon 5:19

Ara e atei silera ara galapien tere Sunahan na mamana han hoboto i puta e kana tara nipepeito tere Satan.

1 Jon 5:4

Taraha, a galapien hoboto tere Sunahan e antunan tagala salsaluhe baner a markatona i puta. Na nitagala te tagala salsaluhe ba nena a markatona i puta nonei u nihamana i tarara.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 16:17

Ba hatohitina a angelo e kis nena a kap i tanen iasa. Ba u töa u raranga pan e butu nama turu gumgum u göagono iahana Luman Lotu Pan me poeiena, “E kapa tala!”

Revelesin 20:2

Ba nonei e pile kap nena nonei a kökötsi pan, a liliahanei a omina i manasa, nonei e Satan, me kitse nen e antunan töana turu 1,000 u hiningal.