Epesis 2:19 - U Bulunagana U Niga

¹⁹ Alimiou ema katuun halhal lel talami. Alimiou a töa han tala turu katuun tere Sunahan, bate hun katuun uamiou i tanen.

Epesis 2:19 Iomraidhean Croise

Matiu 10:25

E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

Epesis 2:12

Alimiou go hakats pouts naiam nonei tara pöata alimiou u ka halhal ba naiam e Kristo. Alimiou tu ka halehana ba naiam u katuun tere Sunahan. A man rangan hiahanhaniga te kits gono meraien u Jiu ema la uai i tamilimiou. Alimiou u möa ta Sunahan tara han i puta teka, batema ka memi ta ka tego hamana sileiam limiou.

Epesis 3:6

Nonei u raranga momous teka e markato uana: alimiou u katuun tema Jiu mi e ka gono hoboto mera moulam bara te katoeiera a töa hun katuun. Alimiou has e lue miou a manka man niga tere Sunahan. Na u ranga hamana teka e kato sila naia e Sunahan tere Iesu Kristo. Na ka teka e butu sila ma turu Bulungana u Niga.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

Hibru 11:13

U katuun hoboto teka i mate hakapa, kaba nori i hamana noahasi e Sunahan. Nori ima lue ii a manka te ranga meraien e Sunahan, kaba nori i taran lehana tuun naien me hanige ren. Ba nori e hatei ner nori u katunun hulala tuun i puta tara tsitabubun pöata.

Hibru 13:14

Taraha, ara ema ka meri ta han i puta teka tega ka nitöa romana. E möa. Ara e hahalosera a han tena la nama romana, teka nitöa nou.

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.

1 Jon 3:1

Tara, e Tamarara e Sunahan e ngil koru ranoura, bate ngö raneira a galapien i tanen. Na u mana koru, ara a galapien hamana koru tere Sunahan. U katunura i puta tema pala uari tere Sunahan ema atei sil has rarira, taraha nori ema atei sil haserien.