Epesis 1:4 - U Bulunagana U Niga

⁴ I mamuma te habuteia e Sunahan u kolö na u puta, nonei e hopö kap sil raira tegi katuun uu ra i tanen, te hamana uarara tere Kristo. Nonei e ngilena tegi katuun uu ra i tanen batema ka merei ta markato ta omi i matanen.

Epesis 1:4 Iomraidhean Croise

Matiu 24:22

Sanena e Sunahan tema hamakmakumei a pöata teka, ega möa koru ta katuun tega tatei ka haniga romana. Kaba e Sunahan e hamakmakum menai romana a pöata teka tego taguhu meraien u katuun te hopö kap raien.

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

Matiu 24:31

Ba lia te pihegu a tuhil bate ling hapanina, ba u angelo i tar te la uar turu han hoboto i puta, ba nori te gono rarima u katuun te hopö kapir e Sunahan.”

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

U Bulungana u Niga tere Iesu Kristo te kolotein e Jon 10:16

A palair u katuun has i tar e ka ria ielesala tara ololon sipsip i tar. Alia ena peigi has ragumen romana ba nori te hengoe riou u raranga i tar. Bate ka menou a töa puku a heis sipsip na töa puku a katunun pepeito kap i taren.

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

U Bulungana u Niga tere Iesu Kristo te kolotein e Jon 17:24

“O Tamagulia, alö u hala rema u katuun teka i tar, na lia e ngilegu nori egina ka gono meiou lia tara makum tena ka goua lia. Ba nori tena tare riou a nikapan i tar, a nikapan tu hale mei lö alia, taraha alö u ngil korueiou lia i mam te butuia a han i puta.

Aposol 13:48

U katuun tima Jiui i hengo u ranga teka, ba nori e sasaala korur, me hanigeier u raranga tere Sunahan. Na u katuun te hopö kapir e Sunahan tegi töatöa nitöa, nori i hamana uu i tanen.

Aposol 15:18

A Tsunono e mar ranga uu teka, nonei te habuti u raranga teka i manasa koru.’ “U propet timar koloto uu teka.

Aposol 18:10

Alia e ka gono megou lö, na e möa nou ta töa ta katuun tega antunan kato homie ioulö. Alia e ka megu u katuun u para tara taun teka.”

U pas te koloto menai e Pol turu kristenira i Rom 8:33

E Sunahan e hopökap mam raioura u katuun i tanen. Gesi te kout ranouara i tanen? E möa tala. Taraha, e Sunahan noa has te ngö ranoira u katuun u hamatskö i matanen.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

Galesia 5:13

Kaba alimiou a matsi hahatoulana, e Sunahan e ngö sil rai limiou tego hapolasa ba mena milimiou a Lo. Kaba u raranga teka ema ranga nanei alimiou go pekoeiam a Lo bate kukute lase miou u ngilngilina i puta. E möa. Kaba e Sunahan e hapurese sil rai limiou tego hiangilngil uaiam limiou bate hiatagtaguhu miou.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

Epesis 3:17

Na lia e singo sil hasegu e Kristo e tatei kana i torimilimiou, alimiou te hamana mia i tanen. A mouna ka te singo sil korue gulia, turu hakhakats na markato i tamilimiou: alimiou go hiangilngil iam.

Epesis 4:2

Alimiou go hatetenei iam a peisa milimiou tara mamana pöata na limiou go ranga hatami hasiam bate niga mia tara tana katuun. Alimiou go hiangilngil iam batema hakats sil balemi a manka man omi tara tana katuun.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Epesis 5:27

Nonei e kato mei a ka teka tego lu mera meien a hun katuun i peisanen bate taratara haniga nitöana. A hun katuun tere Kristo alimiou goma ka memi ta ka tega omia i matana e Kristo. Na nonei e ngilena a hun katuun i tanen egi hagöagoni a peisa ren bate ka haniga nitöar.

Pilipai 2:15

Alimiou go ka halehana ba neiam a manka man omi. Alimiou u katuun tere Sunahan ego niga nitöaiam, noahasina te ka uami limiou i gusur u katuun u omi te katoeier a markato a tutu. Alimiou e ka heremi u ualesala i gusuren te alesala uana tara mamana han i puta.

Kolosi 1:22

Kaba i romana nonei e nolo pouts sila rena limiou tara tou mate tere Iesu Kristo, ba limiou te matskö miou bate gogoso miou, bate moana ta ka ta omi tegi kout merai limiou.

Kolosi 2:2

Alia e kato silegu alimiou go sasaalaiam bate hiakaka haniga hoboto miou bate hatagala hase miou u hiangilngil i tamilimiou. Na limiou go atei sil haniga haseiam a manka te hamane milimiou na ka te hamousi e Sunahan i manasa, nonei e Kristo.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

1 Tesalonaika 4:7

E Sunahan ema ngö sil ranei ra tegi kato homi uu ra. E möa. Nonei e ngö sil ranei ra tegi kato haniga uu ra.

2 Timoti 1:9

Nonei te lu pouts raiou ra na te ngö has raioura tegi katuun uu ra i tanen. Nonei ema kato mei a ka teka ti kato haniga uu ra. Emoa, kaba turu ngilngil peisa i tanen ba nonei e taatagi koru ranoura me ngö ranoura i mamuna pöata.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

1 Pita 1:2

E Sunahan e Tamarara e atei sil hakapa raiou limiou me hopö kap mera nei limiou i tanen ba u Namnamei i tanen e kato ranei limiou u katuun u göagono i tanen. Tara markato ti maniata memien limiou, ba limiou te galus raroui u rahatsing tere Iesu Kristo. E Sunahan ega hala rai limiou a nitaatagi na masalohana pan koru.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

1 Jon 4:16

Ara e atei sil talera, na e hamanera u ngilngil tere Sunahan i tarara. E Sunahan a mouna u ngilngil hamana. Na u katuun te ngil nitöa raier a palair u katuun e pala uaier tere Sunahan na e Sunahan e pala has uana i taren.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 17:8

A ka omi te tare mula lö e töatöa i manasa kaba ema töatöa lel nei. Nonei e katsin lakasa nama tara kiou te möa ta nönöanen ba nonei tena taia lel nou. Ba u katuun te ka roua i puta te asingoto hoboto riou te tara mena roien a ka teka, nori u katuun tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nori e asingoto nariou a ka a omi te töatöa i manasa kaba ema töatöa lel nei, kaba nonei e butu lel nou romana.