Epesis 1:21 - U Bulunagana U Niga

²¹ E Kristo e tsunono na tara makum teka bate pan saluhe nena a mamana mar tsunono na mamana mar nitagala. Na nonei e pan saluhe has nena a mamanaka hoboto te ka mena a solo pan, tara han i puta i romana na tara hanina i murimuri.

Epesis 1:21 Iomraidhean Croise

Matiu 12:32

A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”

Aposol 4:12

“E möa ta taina ta katuun tega tatei lu pouts merai u katuun tere Sunahan. Tara mamana han hoboto i puta, e Sunahan ema hanige ii ta taina ta katuun tega tatei lu pouts merai ra tere Sunahan. E Iesu puku lasi.”

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

Epesis 3:10

Nonei e kato sile ii a ka teka tego haröto menaien a mamana mar niatei i tanen i romana. E haröto sila naien turu katuun i tanen ba u angelo na pal kapan tara han i Kolö te tatei tare ren.

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

Kolosi 2:15

E Sunahan e luban a nitagala turu liliahanei u omi ra i kolö. Nonei e hamatsingolo raien i matar u katuun tara nitagala tere Kristo te tagala saluhena.

Hibru 1:4

A pien Tson tere Sunahan e pan koruna, na e pan koru bala rena u angelo. Ne Sunahan e hale meien a solo te pan bala koru nena a man solo turu angelo.

Hibru 2:5

Alam e ranga nem a hanina i puta tara pöata i murimuri, e Sunahan ema haka mena neien turu angelo. E möa.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.

1 Pita 3:22

Na e Kristo e la hakapa uu i Kolö mena kana tara pal matou tere Sunahan. Nonei e tsunono rena u angelo na pal kapan na mamanaka hoboto te kamena a nitagala i Kolö.