Aposol 9:22 - U Bulunagana U Niga

²² E Sol e tagala susul ba nonei e haröto nena e Iesu nonei e Mesaia hamana, a katuun te hopö kapiin e Sunahan. Na nonei tara pöata u Jiu ti kaia i Damaskus i hengoe u ranga teka kaba nori ima antunan ranga palise ii e Sol.

Aposol 9:22 Iomraidhean Croise

U Bulungana u Niga tere Iesu Kristo te kolotein e Luk 21:15

Taraha? Alia e hala ragi limiou romana a man raranga nu hakhakats u niga koru, ba u pakö i tamilimiou tema antunan tulaputa nari romana u raranga tego hala rilia limiou.

Aposol 17:3

Ba nonei e ranga hatarare nena u hihatuts turu Buku u Göagono be haröto nena e Kristo e lu hakapi a kamits na e takei pouts has ia tara tou mate i tanen. Ba nonei e poeiena, “E Iesu a katuun te ranga negu lia nonei a Mesaia, a katuun te hopö kapiin e Sunahan.”

Aposol 18:5

Pöata tina tukuia ere Sailas mere Timoti ti laba namen i Masedonia be Pol te pina mena te habulungana menaien u ranga turu Jiu me poeiena, “E Iesu nonei e Mesaia.”

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 9:20

Ema lehana ii ba nonei e la uana turu luman lotu turu Jiu mena hatei raneien e Iesu me poeiena, “Nonei a Pien Tson tere Sunahan!”

Aposol 9:21

U katuun hoboto ti hengo i asingoto koru me poeier, “Boka! A katuun teka te roron atung hamater u katuun i Jerusalem ti pala uu tere Iesu? Nonei e la silema tegomi pile kap meraien u katuun tere Iesu bate las mera neien turu pris pan turu lotu?”

Aposol 9:23

A pöata a parpara e la hakapa, bu Jiu e korupakö ner tegi atung hamate menaien e Sol.

Aposol 9:27

Ba e Banabas ena piou nanen turu aposol me hatei raneien e Sol e tareia a Tsunono i maroro ba Tsunono e ranga gono menen. Ba e Banabas e hatei has raneien e Sol e ranga hatagala koru te hatei la menameien e Iesu i Damaskus.

1 Korin 1:27

Kaba u katuun te ngö rari u tutu, e Sunahan e hopö kap sil raien tego hamatsingolo meraien u katuun u atei. Na u katuun te ngö rari u pinolasa, e Sunahan e hopö kap sil raien tego hamatsingolo meraien u katuun u tagala.

Galesia 1:18

Na i murina te kapaia u topisa u hiningal ba lia e lag i Jerusalem mena taregu e Pita. Alia u ka gono meien turu maloto na u tolima u lan.

Pilipai 4:13

E Kristo nonei te hale noi lia a nitagala, na te hantune noulia tara mamanaka hoboto.

1 Timoti 1:12

Alia e haniga koruegu e Iesu Kristo a Tsunono i tarara, te hatagale ioulia, taraha nonei e tari tu kui haniga uu lia ba nonei e lu mena nei lia tara toukui i tanen.