Aposol 9:17 - U Bulunagana U Niga

¹⁷ Be Ananias e lana mena tasuna tara luma tere Judas. Ba nonei ena hatakopena a limanen tere Sol me poeiena, “O Sol, ara e muntoulana sila ria tere Kristo, a Tsunono te tula nena moulia. E Iesu, te butuma i tamölö i kalana tara pöata tu la uamalö teka, nonei te tula nena moulia tegomi taguhu menai lia alö balö te tara haniga pouts mou, balö te saputu memou u Namnamei u Göagono tere Sunahan.”

Aposol 9:17 Iomraidhean Croise

Matiu 19:13

U katuun i la mera mei a galapien u tetenei tere Iesu, tegomi hatakopo menaien a limanen i taren bate singo uana tere Sunahan. Ba u katunun tsitsilo i tanen e ranga haraharaha ria i taren.

U Bulungana u Niga tere Iesu Kristo te kolotein e Mak 5:23

Ba nonei e singo hataatagi koruna i tanen me poeiena, “A tsi pien tahol i tar e katsin matena. Alö go lama batemi kato haniga poutsemen ba nonei te töatöa poutsuna.”

U Bulungana u Niga tere Iesu Kristo te kolotein e Mak 6:5

Na nonei ema antunanei tego kato menaien tu mirakol tu para i han teka, kaba nonei e hatakopi a limanen tara man töa man katuun ti ka mei a man siki me kato haniga pouts ranen.

U Bulungana u Niga tere Iesu Kristo te kolotein e Luk 1:41

Ba pöata te hengoeia e Elisabet u raranga tere Maria, ba pien i torinen e sosuna, be Elisabet e saputu mena u Namnamei u Göagono tere Sunahan.

U Bulungana u Niga tere Iesu Kristo te kolotein e Luk 1:67

Be tamana pien, e Sakaria, e saputu mena u Namnamei u Göagono, ba nonei e katoena u rangan propet me poeiena: “Aragi solosei e Sunahan a Tsunono na i Israel! Taraha? Nonei emi taguhu renara u katuun i tanen, bate sakahis pouts ranoura.

U Bulungana u Niga tere Iesu Kristo te kolotein e Luk 1:76

Be Sakaria e pei hasena tara pien, “Alö a tsi pien i tar, alö e ngöe roui a propet tere Sunahan iasa Koru. Taraha? Alö tena peits moa tara Tsunono tego hamatskö menai a maroro tega sila men.

U Bulungana u Niga tere Iesu Kristo te kolotein e Luk 15:30

Kaba a pien tson i tamölö teka e ba pinopino naia a moni i tamölö turu touhaliou ri maroro! Kaba pöata te la pouts uana men i han, ba lö te kato hamate bemien a tunan bulmakau a bokoko!’

U Bulungana u Niga tere Iesu Kristo te kolotein e Luk 15:32

Aragi sasaala bate masa korura. Taraha? E toulamölö e here ii a katuun te mate, kaba e töatöa poutsuna! Nonei e tia kaba e la poutsuma!’”

U Bulungana u Niga tere Iesu Kristo te kolotein e Luk 2:11

A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!

Aposol 10:36

Alimiou e atei silemiou u ranga te hala namen i tamulam u katunura i Israel. U raranga teka e habulungana nena a masalohana temi halan e Iesu, bate hakapa hasena u pakö turu katuun i tanen. Nonei a tsunono turu katuun hoboto.

Aposol 13:3

I murina ti singo uaien tara Tsunono me agono lel has ner a kannou, ba nori e hatakope ria a limaren tere Banabas mere Sol, ba nori e tula mera rien tara toukui i taren.

Aposol 13:52

Kaba u kristen i Antiok i sasaala koru, ba nitagala turu Namnamei u Göagono e saputuna i taren.

Aposol 19:6

Pöata te hatakopeia e Pol a limanen ieluren, ba u Namnamei u Göagono e koul uanama i taren. Ba nori e ranga ria turu mamana u mar ranga, me ranga ner a manka te butu moto nou.

Aposol 2:4

Ba nori e saputu hoboto meier u Namnamei u Göagono tere Sunahan, te haranga raien na te hala raien a niatei na nitagala tegi antunan ranga uaien tara man taina man ranga.

Aposol 21:20

Pöata ti hengo naien a ka teka, ba nori e soloseier e Sunahan. Ba nori e poeier i tanen, “A tsi hatoulana, alö e atei silem u Jiu te hamana ria tere Iesu e para korur na nori hoboto e kukute hanigeier a man Lo tere Mosis.

Aposol 26:15

“Ba lia e poeiegu, ‘O tsunono, esi alö?’ Ba Tsunono e poeiena, ‘Alia e Iesu, a katuun te kato hakamitse mölö.

Aposol 4:31

Tara pöata ti singo hakapaien, ba makum ti gono ien e tagasina. Nori hoboto i saputu mei u Namnamei u Göagono me tanian hatei ner u raranga tere Sunahan, nori ima matout ii.

Aposol 6:6

Ba nori e hatuol raria u katuun teka i matar u aposol, ba nori e singo uaier tere Sunahan me hatakope ria a limaren i taren tega kalala meraien e Sunahan tara toukui i taren.

Aposol 8:17

Bere Pita mere Jon e hatakope ria a limaren i taren, ba nori e töan luer u Namnamei u Göagono.

Aposol 9:18

Ba nonei tara tsi pöata puku has ba ka te here ii a kapöana e rus ba nena a matana e Sol ba nonei e töan tara haniga poutsuna. Ba nonei e takeina me luena a baptais.

U pas te koloto menai e Pol turu kristenira i Rom 15:7

Hianiganigaiam, temar haniga has merai e Kristo alimiou, ba markato teka te soloseie nou e Sunahan.

1 Korin 15:47

A Adam tutuun i katoe ii u tsiktsikina i puta. Kaba a hahuoluna Adam, e Kristo, nonei a Tsunonona i Kolö.

1 Korin 15:8

Nonei e butu hamurimuri koruia i tar, e herenei alia i poseia tara pöata tegima posei lia.

1 Korin 9:1

Alia a aposol, alia u tara hakapi e Iesu a Tsunono i tarara, na nonei e purese ba hakapein a kits kap i tar tara markato a omi. Alia u taguhu raiou limiou bate hamana uamiou tara Tsunono. Alimiou a kannou tara nikukui i tar.

1 Timoti 4:14

Alö goma totonei a ka a niga te halei lö e Sunahan, ti hatagali a pal kapan turu kristen ti katoi u rangan propet bate hatakoper a limaren i tamölö.

1 Timoti 5:22

Na lö goma hasese nai tego hatakopo menai a limamölö ta töa ta katuun bate hopö kap namen tara toukui turu kristen. Taraha, alö e namots heremi a hahuol i tanen tega kato homi uen romana. Alö go tara kap nitöani a peisamölö balö te gogoso nitöamia i matana e Sunahan.

2 Timoti 1:6

Tara manka teka ba lia te hatei lele goulö, go hatakei poutsi a ka a niga te hale ii lö e Sunahan tara pöata tu hatakopeia lia a limar i tamölö.

Pilimon 1:16

Kaba ema lupouts here namoi lö a katunun kukui puku. Nonei e toularara tara pala tere Kristo. Alia e ngil korue gen. Na lö e ngil koru hase moen, taraha nonei a katunun kukui puku i tamölö na limiou e hamana hoboto has mia tara Tsunono.

2 Pita 3:15

Alimiou go atei sileiam a Tsunono e hahalosena tegi habirits uu katuun i tanen, ba nonei te lupouts ranen. Nonei e hale ii e toularara e Pol u hakhakats u niga ba nonei e mar koloto has ualala iesana i tamilimiou, te markato uanen tara man pas hoboto i tanen. Palaina a man raranga i tanen e ka mena a toukui pan tegi atei sil menaien, na u katuun u tutu na u katuun te hula hakatsir e hatuts hakölo ner a mouna a manka teka, te markato has mena rien a palaina u raranga turu Buku u Göagono. Ba nori te kato homi tsiponer a peisaren.