Aposol 9:15 - U Bulunagana U Niga

¹⁵ Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

Aposol 9:15 Iomraidhean Croise

Matiu 10:18

Nori e haka raroua limiou i matar u tsunono na u king te hamana uami limiou i tar, taraha u ngilngil i tar tego hatei meramien limiou u Bulungana u Niga, bate hatei has ramiou u katuun tema Jiu ri.

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 21:19

Be Pol e hatsi söasa ranen, be hatei raneien a mamanaka hoboto te katoe e Sunahan me poeiena, “E Sunahan e taguhe moulia ba nonei te kato be ranei u katuun tema Jiu ri a toukui a niga.”

Aposol 22:14

Ba nonei e poeiena, ‘E Sunahan ti hatsunoni u tuburara e hopö kap naiou lö tego atei sil menai lö u ngil i tanen, na tego tara menai lö a Katuun a Matskö i tanen, na tego hengo menai lö u raranga i rung nen pepeisa.

Aposol 22:21

Ba Tsunono e poeiena i tar, ‘La, alia e hala halehana menagi lö turu katuun tema Jiu ri.’”

Aposol 25:22

Be Agripa e poeiena tere Pestus, “Alia e ngilin hengo negu u ranga tara katuun teka.” Be Pestus e poeiena, “Alö e hengoe men romana i mahö.”

Aposol 26:1

Be Agripa e poeiena tere Pol, “Alö e tatei ranga beiem a peisamölö.” Be Pol e hasoasei nena a limanen me hatanian rangana.

Aposol 26:32

Be Agripa e poeiena tere Pestus, “Sanena a katuun teka tema kato peisa sile ii tega la uaien romana turu kout tere Sisa, nonei sanena e hapureseier.”

Aposol 27:24

A angelo e pei lala, ‘O Pol, alö goma matout ii. Alö ena tuol noahas moa i matana e Sisa. E Sunahan e hapiou nanou tego mate uu ta töa ta katuun te ka gono menou lö tara tolaala, ba nonei te kato benoui lö a ka teka.’

Aposol 28:17

U topisa u lan e la hakapa be Pol e ngö gögono rena a pal kapan turu Jiu. Pöata ti gono hoboto men ba nonei e poeiena i taren, “A matsi hahatoulana i tar, alia uma katoei ta töa ta ka tego tula puta menai lia u katuun i tarara na u mar hihatutsina turu tuburara. Kaba nori i karabuse ma lia i Jerusalem, ba nori e hala mena rilia turu katunura i Rom.

Aposol 28:28

Be Pol e pei hasena, “Na lia e hatei ragoui limiou, a nihitaguhu teka tere Sunahan e la tala uana turu katuun tema Jiu ri, nori tena hengo riou.” Pöata te ranga hakapa ia e Pol ba u Jiu e tarurar me hiangenngenar.

U pas te koloto menai e Pol turu kristenira i Rom 1:1

Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

U pas te koloto menai e Pol turu kristenira i Rom 1:5

E Iesu Kristo e hala railam a nitagala tego aposol uu lam i tanen, ba lam te hatei namen turu hun katuun hoboto tegi hamana uaien i tanen, bate hengo hanige ren.

U pas te koloto menai e Pol turu kristenira i Rom 11:13

Na lia e ranga gia i tamilimiou u katuun tema Jiu ri. Alia a aposol te hala mena lei e Sunahan i tamilimiou u katuun tema Jiu ri, na lia e ngil koruegu a toukui i tar.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

1 Korin 9:16

Na lia ema antunan haröto has megi te habulungana mena gilia u Bulungana u Niga. E möa. E Sunahan e ranga hatagala meiou lia tego rarare u lia. Na nomi e tatei butuna i tar tegoma habulungana menai lia u Bulungana u Niga.

Galesia 1:1

Alia e Pol, na man hahatoulana i tar te hamana mia tere Kristo, e hala menami u pas teka i tamilimiou u katuun u kristen te ka mia tara provins i Galesia. Alia a aposol. Na u katuun tuun tima halei lia a toukui teka. E möa. A toukuin aposol i tar e butuma tere Iesu Kristo na tere Tamarara e Sunahan te hatakei poutsi e Iesu tara tou mate i tanen.

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

1 Timoti 2:7

Nonei a ka te hala sile mei lia e Sunahan tego aposol uu lia i tanen, bate hatuts raiegu u katuun tema Jiu ri ba nori te tatei hamaner a ka te manana bate atei sileren. Alia ema gamogi. E möa! Alia e ranga hamanagu.

2 Timoti 1:11

E Sunahan e hopö kap mei lia tego aposol uu lia na tego habulungana menai lia u Bulungana u Niga teka bate hihatuts nagen.

2 Timoti 2:4

Tara toukuina tara ami, a soldia ema tatei gono benei a peisanen a mamana toukuina ielesala. Nonei ega hakats lasiin tega kato hasasaala menaien a tson mammam te lu mena meien tara ami.

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”