Aposol 9:13 - U Bulunagana U Niga

¹³ Be Ananias e ranga palisina me poeiena, “O Tsunono, u katuun u para ti hate ii lia a katuun teka. Nori i pei nonei e kato hakamits korur u katuun i tamölö i Jerusalem.

Aposol 9:13 Iomraidhean Croise

Matiu 10:16

Be Iesu e poeiena, “Hengoiam! Alia e hala here ragoui limiou u sipsip te sila ria i gusura u muki u hie. Alimiou go tarakap here rami u kökötsi, ba limiou te here hase mi a kulu tema tatei kato homie nei ta ka.

Aposol 22:4

Alia u kato homir u katuun ti kukute a maroro tara nihamana te kukutie gulia i romana, e noaia ti mateia a palai. Alia u kits kap raien a tsien, a pal tson na touhaliou has, na lia u hala meraien tara karabus.

Aposol 8:3

Kaba e Sol e kato homi korur u kristen te tasu menaien a man luma turu katuun bate las me ranei a pal tson na touhaliou has tara karabus.

Aposol 9:1

Tara pöata teka a töa katuun a solonen e Sol e ranga hatagala noahasin tega pile kap meraien u katunun tsitsilo tara Tsunono bate atung hamate ranen. Ba nonei e lana tara tsunono pan turu pris turu Jiu mena rangata nena tu pas tega söateien bate la gono menen turu luman lotu turu Jiu tara taun i Damaskus. Ba u ranga u tagala turu pas teka e poeiena, “Tegona sabeia e Sol ta katuun turu katuun te kukutier a maroro tere Iesu, a tson na tahol has, ba nonei tena pile kap ranen bate las mera neien i Jerusalem.”

Aposol 9:21

U katuun hoboto ti hengo i asingoto koru me poeier, “Boka! A katuun teka te roron atung hamater u katuun i Jerusalem ti pala uu tere Iesu? Nonei e la silema tegomi pile kap meraien u katuun tere Iesu bate las mera neien turu pris pan turu lotu?”

Aposol 9:32

E Pita e hula laia tara mamana han teka, ba nonei e gala has uana tara taun i Lida mena ka gono meraiena u kristen i Lida.

Aposol 9:41

Be Pita e pile nena a limanen me las hatakeie nen, be Tabita e tuoluna. Nonei e töatöa pouts tala. Be Pita e ngö gögono rena u amoaba na palair u kristen, ba nonei e hala pouts raneien e Dokas.

U pas te koloto menai e Pol turu kristenira i Rom 1:7

Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.

U pas te koloto menai e Pol turu kristenira i Rom 15:31

Singo sileiam tegima kato homi menai lia u katuun i Judia te hahamanar, na tegi haniga menai u katuun tere Sunahan i Jerusalem a monin hitaguhu teka te söata mena goi lia i taren.

U pas te koloto menai e Pol turu kristenira i Rom 16:15

Na haniga has mia tere Pilalogas mere Julia ne Nirias mere hahinanen ne Olimpas na u kristen hoboto te ka gono mera ren.

U pas te koloto menai e Pol turu kristenira i Rom 16:2

Lu menami a tahol teka i tamilimiou, taraha nonei e pala uana tara Tsunono. E nigana te markato uaier u katuun tere Sunahan teka. Na limiou e tatei taguhe men tara saha ka te ngile nen. Taraha, nonei e taguhe ioulia na katuun a parpara.

1 Korin 14:33

Taraha, e Sunahan ema Sunahan uanei tara nitutu. E möa, nonei e Sunahan tara nigumgum a niga.

1 Korin 16:1

Turu rarangana tara moni tegi taguhu merai u katuun tere Kristo, alimiou e markato uamou tu mar ranga merai lia u katuun tere Sunahan i Galesia.

1 Korin 6:5

Alia e ranga megi a ka teka tego hamatsingolo merailia alimiou. E möa koru lasi ta töa i gusumilimiou u kristen tega ka mei ta niatei tega ona menaien a raharaha tara huol a katuun?

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

Pilipai 4:22

U katuun tere Sunahan te kui ria tara luma pan tere Sisa a gamman pan e hala neruma u hanhaniga i tamilimiou, na u katuun hoboto tere Sunahan teka e hala has nariou u rangan haniga i taren i tamilimiou.

Kolosi 1:2

U pas teka e koloto menari i tamilimiou u katuun te hamana mia tere Kristo i Kolosi. E Tamarara e Sunahan e tatei taatagi ranou limiou na e tatei hala has ranoui limiou a masalohana.

Hibru 13:24

Hala menami u hanhaniga i tamulam tara pal kapan hoboto i tamilimiou na turu katuun hoboto tere Sunahan. A matsi hatoulana hasiri Itali e hala has rari limiou u hanhaniga i taren.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.