Aposol 8:9 - U Bulunagana U Niga

⁹ A töa katuun e kaia tara taun teka a solonen e Saimon. I manasa nonei e roron kato a matuna na hirakö. Ba u katunur i Samaria i roron asingoto koru ni a manka te katoeien. Nonei e roron pei, “Alia a katuun pan.”

Aposol 8:9 Iomraidhean Croise

U Bulungana u Niga tere Iesu Kristo te kolotein e Jon 7:18

A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei.

Aposol 13:6

Pöata ti la bubutu hakapeien a han i Saiprus, ba nori ena tuku ria tara taun i Pepos, tina sabeien a töa Jiu a solonen e Ba-Iesu (turu HaGrik i ngöeien e Elimas). Nonei a katuun a matmatuna na e ka has mei a hirakö, na nonei has a töa propet gamogamo.

Aposol 13:8

Kaba e Elimas ema ngil raien me torohanan habiritsena u hakats tere Paulus ba nonei tema hamana uanei tara Tsunono.

Aposol 5:36

Ema manasa korui a töa katuun a solonen e Tiudas e pei hasi, ‘Alia e ka megu a nitagala.’ U 400 tara katuun i hamaneien. Kaba a gamman e atung hamateien, ba u katuun hoboto ti hamanaia i tanen e la kalakalar ba u hihatuts e tia hakapana.

Aposol 8:11

Nonei e solon hatara rarien a para a ka ba nori e hahengo haniga koruria i tanen.

2 Tesalonaika 2:4

A katuun teka e omie nou romana u mamana u mar lotu, ba nonei te katoe noi a peisanen a katuun te pan nena a man lotu. Ba nonei tena gum has noua iahana a Luman Lotu Pan tere Sunahan ba nonei te gamona bate poeiena nonei e Sunahan.

2 Timoti 3:2

U katuun e ngil korue riou romana a peisaren na e ngil koru hase riou a moni. Nori e ranga sesei nariou a peisaren bate poeier, “Alia a katuun pan.” Na nori e ranga hohomi rariou u katuun na e Sunahan has, bate hipus rariou u tsinaren na u tamaren. Nori ema niga sile roi a manka te ka meren, na nori e rama nariou a markato a niga.

2 Timoti 3:5

U katuun e kukutie riou a man markato pinopino turu lotu, bate holis naier tega ka menai u lotu ta nitagala. Alö go hatalis bar u mar katuun teka.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.