Aposol 8:5 - U Bulunagana U Niga

⁵ E Pilip e la uu tara taun i Samaria me hatuts ranei u katuun i Samaria e Mesaia.

Aposol 8:5 Iomraidhean Croise

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

Aposol 21:8

Ba turu hamahö ba lam e la uaiem i Sisaria tina tuku ia lam i luma tere Pilip, a katuun te hahabulunganein u raranga tere Sunahan. Nonei a töa tara tohit a katuun ti hopö kapir i Jerusalem ba lam e ka gono memen.

Aposol 5:42

Na turu mamanu lan, tara Luman Lotu Pan na turu luma has turu katuun, nori i hahatei nitöani u Bulungana u Niga bate hihatuts ner e Iesu nonei e Mesaia, a katuun te hopö kapiin e Sunahan tega taguhir u katuun i tanen.

Aposol 6:5

U katuun hoboto i haniga korui u raranga ti katoi u aposol. Ba nori e hopö kap naier e Stiven, a tson te ka mei u nihamana u kapan na te saputu mei u Namnamei u Göagono. Ba nori e hopö kap has naier e Pilip ne Prokoras ne Naikena ne Timon ne Pamenas na e Nikolas. E Nikolas a katununa i Antiok te la uama tara pala turu Jiu.

Aposol 8:1

E Sol e hanigein te mate uu e Stiven. Nonei turu lan teka, ti tanian kato homi koru raia u kristen ti kaia i Jerusalem. I markato uu teka bu kristen hoboto e sata uaier tara man han iahana provins i Judia na i Samaria. U aposol puku ti ka noaia i Jerusalem.

Aposol 8:26

Ba töa angelo tara Tsunono e poeiena tere Pilip, “Takei balö te la uaiem tara maroro te laba nena i Jerusalem, bate gala uana tara taun i Gesa.” A maroro teka e kaia tara makum a palaka.

Aposol 8:30

Be Pilip e piata hasukusuku lala mena hengoena te rit menai a katuun teka u buku te kolotein e Aisaia a propet. Be Pilip e poeiena, “Alö e atei silem a mouna u raranga te tare mölö?”

Aposol 8:40

E Pilip ena butuia tara taun i Asdot te tataala silaien ba nonei e hatei lanena u Bulungana u Niga tara mamana taun, antunaia te na butuien tara taun i Sisaria.

Aposol 8:6

U katuun u para koru i hahengo hoboto hanigan töaia tere Pilip, nori i hahengo hanigan töa bate tara haseier a man mirakol te katoe e Pilip.

Aposol 9:20

Ema lehana ii ba nonei e la uana turu luman lotu turu Jiu mena hatei raneien e Iesu me poeiena, “Nonei a Pien Tson tere Sunahan!”

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

1 Korin 2:2

Alia uma ngilin ranga nai ta taina ta ka kaba lia u ngilin hatagali e Iesu Kristo i gusumilimiou na saha ka te mate sileien tara kuruse.

1 Korin 3:11

Taraha, e Sunahan e haka hakapi e Iesu Kristo, nonei puku lahas a pos simen, na e möa lel ta taina ta pos simen tegi tatei hagumeiou.