Aposol 8:39 - U Bulunagana U Niga

³⁹ Pöata ti la sei pouts men tara ramun, ba u Namnamei tara Tsunono e luba pouts nena e Pilip me la menen. A malapei ema tara lele ii e Pilip, kaba nonei e sasaala koru noahas, be la uana te la uaien.

Aposol 8:39 Iomraidhean Croise

Matiu 13:44

Be Iesu e poeiena, “A Nipepeito tere Sunahan e here nei a bokis moni pan te hamouse ria tara kui. Ba töa katuun temi sabe nen bate hamous lele nen. Ba nonei te sasaala koruna, batena hahol nena a mamanaka hoboto i tanen, batemi töan holena nonei a kui.”

Matiu 3:16

Pöata lahas te baptais hakapeien e Iesu me takei sei nama i ramun, ba u kolö e takalatana, ba nonei e tarena u Namnamei tere Sunahan e koul heremei a apena te ngöeri a kulu, memi töna tere Iesu.

U Bulungana u Niga tere Iesu Kristo te kolotein e Mak 1:10

Ba pöata te takei sei pouts ma e Iesu iahana a ramun ba nonei e tarena u Kolö e takalata, ba u Namnamei tere Sunahan e koul here namei a kulu me koul uanama i tanen.

Aposol 13:52

Kaba u kristen i Antiok i sasaala koru, ba nitagala turu Namnamei u Göagono e saputuna i taren.

Aposol 16:34

Ba nonei e lu rena ere Pol mere Sailas mena sei ria i luma i tanen, ba nonei e hanou ranen. Nonei na pala hoboto i tanen i sasaala koru mei ti hamana uaien tere Sunahan.

Aposol 8:29

Ba u Namnamei tere Sunahan e ranga mena e Pilip me poeiena, “Alö go la hasukusuku uala tara karis balö te tataala gono memen.”

Aposol 8:38

Ba nonei e hagumena a karis, be Pilip na nonei a tson pepeito e koul uaier tara ramun, be Pilip e baptais nen.

Aposol 8:8

Ba nisasaala pan e butuna tara taun i Samaria.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

Pilipai 3:3

A markatona i puta na markato te hapö uaier ema kato raneira u katuun tere Sunahan. E möa. Ara u katuun hamana tere Sunahan, taraha ara e hatsunonera e Sunahan i torirara bate sasaala mera e Iesu Kristo.

Pilipai 4:4

Alimiou go sasaala nitöa meiam a Tsunono! Na lia e hatei lel ragou limiou, sasaalaiam!

Jemis 4:16

Kaba alimiou ema markato uami teka. E möa. Alimiou e ranga sesei namiou a manka a man kapan tena katoemi limiou romana. U mar ranga teka e omina.