Aposol 8:28 - U Bulunagana U Niga

²⁸ Nonei e lotu hakapa me katsin hakopis pouts hamanasana. Nonei e osaia tara karis i tanen bate ritena u buku te kolotein e Aisaia a propet.

Aposol 8:28 Iomraidhean Croise

U Bulungana u Niga tere Iesu Kristo te kolotein e Luk 3:4

Nonei temar koloto uu e Aisaia a propet, turu buku i tanen i manasa. Ba nonei e pei hasena: “A töa katuun ena ku hapan noua romana tara makum a palaka bate poeiena, ‘Hamatsköeiam a man markato i tamilimiou. A Tsunono e ngilin sila nama romana tara maroro a matskö.

U Bulungana u Niga tere Iesu Kristo te kolotein e Luk 4:17

Ba nori e halerien u buku tere Aisaia, a propet. Ba nonei e palatena u buku me sabiena a makum temar ranga uana teka,

Aposol 28:25

Ba nori ema hiahanhaniga ri, ba pöata ti katsin taruraien be Pol e hala lel raneien ien u tana u raranga. Ba nonei e poeiena, “U Namnamei u Göagono tere Sunahan e ranga hamana i manasa tara pöata te harangeien e Aisaia a propet tere Sunahan me ranga gono mena u tubumilimiou.

Aposol 8:27

Be Pilip e takeina me lana. Tara maroro teka e laia a töa toun Itiopia a malapei. Nonei a töa tson pepeito a kapan te pilein a toukui tara tetahol panina i Itiopia a solonen e Kandesi. Nonei e taratara kapiin a mamanaka a niga tere Kandesi. A tson teka e la silema egomi lotuia i Jerusalem.

Aposol 8:29

Ba u Namnamei tere Sunahan e ranga mena e Pilip me poeiena, “Alö go la hasukusuku uala tara karis balö te tataala gono memen.”

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.