Aposol 8:26 - U Bulunagana U Niga

²⁶ Ba töa angelo tara Tsunono e poeiena tere Pilip, “Takei balö te la uaiem tara maroro te laba nena i Jerusalem, bate gala uana tara taun i Gesa.” A maroro teka e kaia tara makum a palaka.

Aposol 8:26 Iomraidhean Croise

Aposol 10:22

Ba nori e poeier, “A töa tsunono tara ami, a solonen e Konilius, e tula rena moulam. Nonei a katuun a niga na nonei e hatsunono hasena e Sunahan, u Jiu hoboto e hanige ren. A töa angelo tere Sunahan e butuia i tanen me poeiena, ‘Alö gona ngöeiema e Saimon Pita ba nonei te la uanama i luma i tamölö, balö te hengo mia turu ranga i tanen.’”

Aposol 10:7

Pöata te la hakapaia a angelo te rangaia i tanen be Konilius e ngö rena a huol katunun kui i tanen, ba nonei e ngö hasena a töa soldia te kui be haseien na te hatsunono hasi e Sunahan.

Aposol 12:23

E Herot ema solosei mamei e Sunahan, ba angelo tara Tsunono e atunge nen. U kakaminei i noueien, ba nonei e mate nitöana.

Aposol 27:23

Taraha, i bong a töa angelo e tuol lala i rehir, a angelo tere Sunahan te hopö kap naiou lia, e Sunahan te hatsunone gulia.

Aposol 5:19

Kaba tara bong ba angelo tara Tsunono e kalatena a tamana tara luman karabus me halakasa rena u aposol me poeiena i taren, “Na tuol mia iahana Luman Lotu Pan bate hatei rami u katuun u raranga hoboto tara markato a tsimus teka.”

Aposol 8:29

Ba u Namnamei tere Sunahan e ranga mena e Pilip me poeiena, “Alö go la hasukusuku uala tara karis balö te tataala gono memen.”

Aposol 8:5

E Pilip e la uu tara taun i Samaria me hatuts ranei u katuun i Samaria e Mesaia.

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.