Aposol 8:12 - U Bulunagana U Niga

¹² Kaba ti hamaneien a manka te hatein e Pilip turu Bulungana u Niga tara Nipepeito tere Sunahan na solona e Iesu Kristo, ba nori hoboto a pal tson na touhaliou e habaptaisir.

Aposol 8:12 Iomraidhean Croise

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

U Bulungana u Niga tere Iesu Kristo te kolotein e Luk 9:2

Ba nonei e hala mera neien tegina hihatutsla menaien a Nipepeito tere Sunahan na tegina kato haniga pouts meraien u katuun.

U Bulungana u Niga tere Iesu Kristo te kolotein e Luk 9:60

Be Iesu e poeiena i tanen, “Hakar u mate bate kaho ner u mate pouts i taren. Kaba lö gona habulunganein a Nipepeito tere Sunahan.”

Aposol 1:3

I murina te mate hakapaien, ba nonei e roron butuna turu aposol i tanen tara man töa man pöata. Nonei e kato sila naia a mamanaka teka tego haröto meraien u aposol, nonei e töatöa hamanana. Nori i tareien tara man tötöa man pöata iahana u tohats u maloto u lan, ba nonei e hatei raneien a Nipepeito tere Sunahan.

Aposol 11:20

Kaba e ka has meir u katunura i Saiprus na i Sairini, nori i sohala ma turu katuun ti lauama tara taun i Antiok bate hatei laner u raranga turu katuun has tima Jiu ii. Nori i hahatein u Bulungana u Niga tere Iesu Kristo.

Aposol 18:8

Na tsunono tara luman lotu a solonen e Krispas. Nonei na u katuun hoboto ti kaia i luma i tanen i hamana ia tara Tsunono. Na para a katununa i Korin i hengo ia turu ranga tere Pol, ba nori e hamanar me habaptaisir.

Aposol 19:5

Pöata ti hengoeien u raranga teka ba nori e töan habaptais ria tara solona e Iesu a Tsunono.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 2:41

U katuun ti hengoe u ranga i tanen bate sasaala meren i baptaisir. E sukusukuia turu 3,000 turu katuun ti baptaisir nonei turu lan teka temi hahonoto gono mer u katunun tsitsilo.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 20:25

E Pol e ranga lel me poeiena, “I manasa tu tataala ia lia i gusumilimiou, ba lia te hatei negu u rangana tara Nipepeito tere Sunahan. Kaba lia e hatei ragou limiou, alimiou hoboto ema tara lele moui lia.

Aposol 28:31

Nonei e hihatutsin a Tsunono e Iesu Kristo na Nipepeito tere Sunahan. Nonei ema matout ii, na e möa ta katuun tega hapiou naien.

Aposol 5:14

Kaba a para tson na tahol i hamana mena tapo raier a pala tara Tsunono.

Aposol 8:4

U kristen ti sata i la uu turu han hoboto me hahatei laner u Bulungana u Niga.

U pas te koloto menai e Pol turu kristenira i Rom 10:10

Taraha, te hamana mia limiou i torimilimiou, be Sunahan te kato hamatskö rena limiou i matanen. Te ranga hatei namia limiou a ka te hamana uami limiou, be Sunahan te lu pouts ranou limiou.

1 Korin 11:11

Kaba tara Tsunono, a tahol e sola na tara tson, na tson e sola hasna tara tahol.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

1 Pita 3:21

U uolo e haharuei nena a tou baptais i tarara. U uolo e taguhir a pala tere Noa, na tou baptais e taguhu has ranou ra. E ma ka sile nei tega galus ba menaien u korkoriana turu tuenrei tuun i tarara. E möa. A tou baptais i tarara e mar mouna uana teka, e hateie nei e Sunahan a torirara ema kout raneira. Ara e tatei markato uara teka, taraha e Sunahan e hatakei poutsi e Iesu Kristo tara tou mate.