Aposol 8:1 - U Bulunagana U Niga

¹ E Sol e hanigein te mate uu e Stiven. Nonei turu lan teka, ti tanian kato homi koru raia u kristen ti kaia i Jerusalem. I markato uu teka bu kristen hoboto e sata uaier tara man han iahana provins i Judia na i Samaria. U aposol puku ti ka noaia i Jerusalem.

Aposol 8:1 Iomraidhean Croise

Matiu 22:6

Ba palai e pile kap rer u katunun kui tara king me kato hohomi raren, me atung hamate raren.

Matiu 23:34

Tara markato teka alia e hala ragou limiou u propet na u katuun u atei na u tson ateira tara lo. Ba limiou tena atung hamate ramiou a palai bate tapala ramien tara kuruse bate kato hamate ramen, ba limiou te lahus ramia a palai turu luman lotu i tamilimiou bate kute meramien tara mamana man taun.

Matiu 5:13

E Iesu e ranga lel me poeiena, “Alimiou e here rami u soluna i puta. Kaba te tia banena u sol a nimal i tanen, e möa len ta maroro tegi markato menaien bate mal poutsina. E gi ba lasiin ba u katuun te tötö ria i oulunen.

U Bulungana u Niga tere Iesu Kristo te kolotein e Jon 15:20

Alimiou go hakats pouts naiam u raranga ti hala ra ii lia alimiou: a katunun kui ema pan nanei a tsunono i tanen. Nori u katuun ti kato homia i tar e kato homi has rariou limiou romana, na u katuun te hengo hanigeier u raranga i tar e hengo haniga has rariou limiou.

U Bulungana u Niga tere Iesu Kristo te kolotein e Jon 16:2

Nori ena hapiou ba raroui limiou a man luman lotu, na nori e kato hamate has rariou a palai i tamilimiou bate poeier, ‘Alam u kato mei a ka teka tegi solosei menai e Sunahan.’

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 13:36

“U ranga teka ema hatei nanei e Devit. Taraha, i murina te katoeia e Devit u ngil tere Sunahan tara pöata i tanen, ba nonei e töan matena ba nori e kaho narien ti kaho raia u tubunen, ba nonei e koremena.

Aposol 2:47

Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

Aposol 22:20

Na tara pöata ti atung hamateien e Stiven, a tson te hahatein u raranga i tamölö, alia u ka has ia i rehiren. Alia u hanigein tegi kato hamate menaien, balia e tara kap negu a man hasobö turu katuun ti atung hamateien.’

Aposol 26:10

Na lia u markato has uu teka i Jerusalem. Alia u lui u raranga u mal turu pris pan balia te hakarabus regu u katuun tere Sunahan. Na tara pöata ti katsin kato hamate raien balia te haniga hasigu.

Aposol 5:18

Ba nori e pile kap raier u aposol me haka rarien tara luman karabus.

Aposol 5:33

Pöata ti hengoeia a pal kapan u ranga teka, ba toriren e si koruna ba nori e katsin atung hamate rer u aposol.

Aposol 5:40

Ba nori e ngö hatasu pouts raier u aposol me hasingata raren. Ba nori e ranga hatagala mera rien tegima kato lel menaien u ranga tara solona e Iesu, ba nori e hapurese raren.

Aposol 7:38

Nonei e Mosis te ka gono mer u katunura i Israel ti gono hobotoien tara makum a palaka. Nonei e ka gono mei u tuburara na a angelo has te rangaia i tanen turu Pokus i Sinai. Nonei e lui u raranga tere Sunahan, u rarangana tara nitöatöa, tega hala raien ra.

Aposol 7:54

Pöata ti hengoeia a pal kapan u ranga tere Stiven, ba nori e raharaha korue ren me kutu ha karkarangaker a liho ren.

Aposol 7:58

Ba nori e las ba na rien a taun mena titi hate ren. U katuun ti saka mam meien u ranga i his ban a man hasobö a man ngahangaha i taren me hakei rien i rehina a töa katuun a hitots a solonen e Sol.

Aposol 8:14

Tara pöata ti hengoeia u aposol ti kaia i Jerusalem u katunura i Samaria i hanigei u raranga tere Sunahan, ba nori e hala merari ere Pita mere Jon i taren.

Aposol 8:2

A pal katuun ti hamana hatagala koru ti kahoein e Stiven, ba nori e tabe hapan koru mer a nitaatagi tere Stiven.

Aposol 8:4

U kristen ti sata i la uu turu han hoboto me hahatei laner u Bulungana u Niga.

Aposol 8:5

E Pilip e la uu tara taun i Samaria me hatuts ranei u katuun i Samaria e Mesaia.

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

U pas te koloto menai e Pol turu kristenira i Rom 1:32

E Sunahan e haka hakapi a lo te poeiena, u katuun te markato homi uaier teka e Sunahan ega kato hamate raien. Nori e atei siler a ka teka, kaba nori e kato homi noa hasir, bate taguhu has rer a palai tegi markato has uaien iesana.

Pilipai 1:12

A man hahatoulana i tar, alia e ngilegu alimiou go atei sileiam a ka te butuia i tar e taguhu korui a toukui turu Bulungana u Niga. Me la kalakala uana tara mamana katuun, na u soldia hoboto tara gamman pan iahana taun teka na palair u katuun hoboto has e atei siler a ka te karabus silegu lia, te katunun kui uagu lia tere Kristo.

Hibru 11:27

Turu nihamana noahas tere Mosis ba nonei laba nena i Itsip. Nonei ema matoute ii te raharaha uu a king. A katuun ema antunan tare nei e Sunahan, kaba e Mosis e herei e tareien bate tagala silena a ka te ngilin katoeien.