Aposol 7:60 - U Bulunagana U Niga

⁶⁰ Ba nonei e hatukununa me ku hapan koruna me poeiena, “O Tsunono, moa tu palisi a markato a omi te katoeren teka!” E Stiven e mar ranga uu teka me matena.

Aposol 7:60 Iomraidhean Croise

Matiu 27:52

Bu kioun mate e takalata hobotor, ba para a katuun tere Sunahan ti mate e taker me töatöa poutsur.

Matiu 5:44

Kaba alia e hatei ragou limiou, alimiou go ngil raiam u katuun te pakö rariou limiou, ba limiou te singo sile miou u katuun te kato hakamits rariou limiou.

U Bulungana u Niga tere Iesu Kristo te kolotein e Luk 22:41

Ba nonei e gamon laba ranen, antunaia te lapo menari a hatu, me hatukununa me singona, “O Tamar, te ngil mia lö, ba lö te hatongo kap ba namoi lia a kamits teka te katsin butuna i tar. Kaba lö goma kato uai turu ngil i tar. Alö go markato uu turu ngil i tamölö.”

U Bulungana u Niga tere Iesu Kristo te kolotein e Luk 23:34

Be Iesu e singo uana tere Sunahan me poeiena, “O Tamar, alö go luban a markato a omi i taren. Nori ema atei sileri a ka te katoe ren.” Ba u soldia e satu siler u hasobö i tanen, me molamola naren.

U Bulungana u Niga tere Iesu Kristo te kolotein e Luk 6:28

Kalala raiam u katuun te ranga homi ria i tamilimiou, ba limiou te singo sil ramiou u katuun te kato homi ria i tamilimiou.

U Bulungana u Niga tere Iesu Kristo te kolotein e Jon 11:11

Be Iesu e ranga lenina me poeiena, “A hahikapien i tarara e Lasarus e sohona, kaba alia ena gule poutse goen.”

Aposol 13:36

“U ranga teka ema hatei nanei e Devit. Taraha, i murina te katoeia e Devit u ngil tere Sunahan tara pöata i tanen, ba nonei e töan matena ba nori e kaho narien ti kaho raia u tubunen, ba nonei e koremena.

Aposol 20:36

E Pol e hakapi u raranga i tanen ba nonei e hatukununa me singo hoboto gono mera nen tere Sunahan.

Aposol 21:5

Pöata te kapaia a man lan i tamulam tara han teka, ba lam e takeim me lam. U kristen hoboto, a man munmun tahol na galapien i taren emi hipiouia ielesala tara taun. Ba lam e hatukun mia i kotolana me singom.

Aposol 9:40

Be Pita e halakasa hoboto ranen, ba nonei e hatukununa me singo uana tara Tsunono. Ba nonei e habirits uana tara tahol a mate me poeiena, “O Tabita, alö go takei!” Ba tahol e hakalatena a matanen. Ba pöata te tareien e Pita, ba nonei e gum seina.

1 Korin 11:30

Nonei a ka te pinolasa sila ria a palai i tamilimiou, ba palai te mate hakapar.

1 Korin 15:18

Ba u katuun ti hamana mam ia tere Kristo, ti mate hakapa, ga i taia hakapa tala.

1 Korin 15:20

Kaba u mana koru, e Kristo i hatakei poutseia tara tou mate, nonei a nitania tara tou takei pouts, e haröto nena u katuun ti mate e takei pouts has riou romana.

1 Korin 15:51

Hengoiam! Alia e hatei ragi limiou aman raranga te mous: ara ema mate hoboto roi, kaba ra hoboto e palisira romana.

1 Korin 15:6

Nonei e butu has ia tara man hatoulana a man parpara tara töa puku a pöata, u hihase i taren e tusaluhe banena u 500 tara katuun. A pal para turu katuun teka e tötöa noar, kaba palai i mate hakapa.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

2 Timoti 4:16

E möa ta töa ta katuun tega taguheiou lia tara pöata tutuun tu kaia lia turu kout. U katuun hoboto i laba naiou lia. Alia e ngilegu e Sunahan egoma hahuna raien tara ka teka.