Aposol 7:53 - U Bulunagana U Niga

⁵³ Alimiou tu lue iam a Lo te hala menai e Sunahan turu angelo, na limiou uma kukutie mien te la noa hasina i romana!” E Stiven e mar ranga uu teka.

Aposol 7:53 Iomraidhean Croise

U Bulungana u Niga tere Iesu Kristo te kolotein e Jon 7:19

E Mosis e hala rai limiou a man Lo tere Sunahan. Kaba e möa ta töa i tamilimiou tega kukutie a man Lo teka. Aha te sake silemi limiou ta maroro tego mar atung hamate memi limiou alia?”

Aposol 7:38

Nonei e Mosis te ka gono mer u katunura i Israel ti gono hobotoien tara makum a palaka. Nonei e ka gono mei u tuburara na a angelo has te rangaia i tanen turu Pokus i Sinai. Nonei e lui u raranga tere Sunahan, u rarangana tara nitöatöa, tega hala raien ra.

Galesia 3:19

Gaha te hala sile ii e Sunahan a Lo? Nonei e hala sileien ti kato homi uu katuun bate ngilin haröto raneien a mouna a markato a omi i taren. Na Lo e ka hapopoia tara pöata tega butuia nonei a katuun tere Abraham, e Kristo, a katuun te hala mei e Sunahan u ranga hamana i tanen. A man Lo tere Sunahan u angelo ti la mam memen ba nori emi hale rien e Mosis be Mosis e hala nanen turu katuun. Kaba pöata te hala naia e Sunahan u ranga hamana i tanen tere Abraham, nonei e kato pepeiseien, na e möa ta katuun tega taguheien.

Galesia 6:13

U katuun noahas te kukutier a markato te hapö menari a hatöatongo tere Sunahan, nori has ema kukute hamaneri a palaina a man Lo turu Jiu. Nori e ngilin hapö merari limiou tegi hatei meraien u katuun te kukute menami limiou u raranga i taren.

Hibru 2:2

A Lo tere Mosis te hala sila nama e Sunahan turu angelo e manana, na u katuun ti hipus naien batema kukutie rien i lu hasi u nihahuna te antunaia tara markato a omi ti katoeien.