Aposol 7:51 - U Bulunagana U Niga

⁵¹ E Stiven e ranga lel noahas ia tara pal kapan turu Kout me poeiena, “Alimiou u katuun u hihipus! Alimiou e tori here noa hasemi u tematan! Alimiou e talingatu ba koru namiou u raranga tere Sunahan! Alimiou e hipus nitöa namiou u Namnamei u Göagono ti markato has uu tuburara!

Aposol 7:51 Iomraidhean Croise

Aposol 6:10

Kaba u Namnamei tere Sunahan e hale ii e Stiven a niatei a niga koru, nori ima antuna ii temar ranga sila uu e Stiven.

Aposol 7:27

Kaba a katuun te kato homi a tai e tula ban e Mosis me poeiena, ‘E si te hale ii lö a nitsunono tego tara kap merailö alam bate hahamouem a markato i tamulam?

Aposol 7:35

Be Stiven e ranga lel noa hasina me poeiena, “Nonei e Mosis ti raman u katunura Israel me poeier, ‘E möa ta katuun tega hale ii lö a nikapan na markato te ona menari markato i tamulam!’ Nonei lasi a katuun te hala here nai e Sunahan a tsunono na katuun tega luba raien a nomi. E Sunahan e hatagala sila naien tara angelo te butuia i tanen tara tsi ruei te kulupu.

Aposol 7:39

“Kaba u tuburara ima ngilin hengo nai u raranga i tanen. E möa. Nori i tori tsuga naien me ngilin la pouts uaier tara han i Itsip.

Aposol 7:9

“A man munmun toulana teka i hiomia tere Josep me hahol naren, ba nonei ena kukui pukuna i Itsip. Kaba e Sunahan e ka gono meien, me luba naneien a mamana nomi hoboto te butuia i tanen. Ba pöata te butuia e Josep i matana e Pero a Kingina i Itsip, be Sunahan e haniga korue nen me hale neien a niatei a niga. Ba e Pero e hopö kap sile nei e Josep tega pepeito kap menaien a mamanaka tere Pero na u katuun i tanen na han hoboto has i Itsip.

U pas te koloto menai e Pol turu kristenira i Rom 2:25

Te kukute mia limiou u Jiu a Lo tere Sunahan, bara, ga e niga talana tu hapö mena milimiou a hatöatongo tere Sunahan i pikpikö milimiou. Kaba te pekoe mia limiou a Lo, bara, ga limiou u mastein hapö tala naiam a hatöatongo tere Sunahan.

Epesis 4:30

Alimiou goma kato hataatagemi u Namnamei u Göagono tere Sunahan, taraha nonei a hatöatongo tere Sunahan te haröto nena te hanöa ba mena milimiou romana a manka man omi hoboto.

Pilipai 3:3

A markatona i puta na markato te hapö uaier ema kato raneira u katuun tere Sunahan. E möa. Ara u katuun hamana tere Sunahan, taraha ara e hatsunonera e Sunahan i torirara bate sasaala mera e Iesu Kristo.

Kolosi 2:11

Pöata ti hamana mia limiou tere Kristo, nonei e hapurese ba ria limiou turu ngilngil u omi i tuenrei milimiou. Nonei ema katoe ii a ka teka tara markato turu Jiu te hapö mena rien a hatöatongo tere Sunahan tara pal tson. E möa. Nonei e katoeien tara nitagala tere Sunahan.