Aposol 7:25 - U Bulunagana U Niga

²⁵ Nonei e kamei u hakats te kato uana, a pala i tanen egi tara bate tara marueier, e Sunahan e katsin taguhu sila ranen tara nitagala tere Mosis. Kaba nori ima ate ii.

Aposol 7:25 Iomraidhean Croise

U Bulungana u Niga tere Iesu Kristo te kolotein e Mak 9:32

Kaba nori ima atei haniga silei a saha ka te ranga sileien, ba nori e matoutun harangate rien a ka teka.

U Bulungana u Niga tere Iesu Kristo te kolotein e Luk 18:34

Kaba u katunun tsitsilo ima atei sile ii a manka teka. A mouna u raranga teka i hamous ba raien, na nori ima atei sile ii a ka te rangein e Iesu.

U Bulungana u Niga tere Iesu Kristo te kolotein e Luk 9:45

Kaba u katunun tsitsilo i ma atei sile ii a mouna u raranga teka. I hamous raien e gima atei sileien. Na nori i matoutun rangata naien a ka teka.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 15:4

Pöata tina tukuien i Jerusalem, u aposol na pal kapan na palair u kristen i sasaala koru meraien be Pol mere Banabas e hatei rarien a mamanaka te kato gono meraien e Sunahan.

Aposol 15:7

Nori i solon gum a pöata a ngahangaha be Pita e tuoluna me poeiena i taren, “A matsi hatoulana, alimiou e atei silemiou i manasa e Sunahan e mola raira a toukui. Na nonei e hopö kap naiou lia tego hatei menai lia u Bulungana u Niga tara pala tema Jiu ri, ba nori te tatei hengor bate hamanar.

Aposol 21:19

Be Pol e hatsi söasa ranen, be hatei raneien a mamanaka hoboto te katoe e Sunahan me poeiena, “E Sunahan e taguhe moulia ba nonei te kato be ranei u katuun tema Jiu ri a toukui a niga.”

Aposol 7:24

Pöata te tareien a toun Itsip e atungi a toun Israel ba nonei ena taguhena a toun Israel me atung hamatena a toun Itsip.

Aposol 7:26

“Ba turu hamahö be Mosis ena tara rena a huol a toun Israel bate hiatatungur. Ba nonei e torohanan hamatskö ranen me poeiena, ‘Hengoiam! Alimiou a töa hun katuun. Aha te hiatatung sile milimiou?’

U pas te koloto menai e Pol turu kristenira i Rom 15:18

Alia ema hatei nagi a palaina toukui i tar, kaba lia ema matoutin hatei nagi a toukui te kato sila naia e Kristo i tar, tegi taguhu merai u katuun tema Jiu ri bate hengoeier e Sunahan. A toukui teka alia u kato meien u raranga na markato a niga, na u mirakol, na nitagala turu Namnamei tere Sunahan. Alia u taniaia i Jerusalem me la nitöa uagu i Ilirikum tu hatei lala naia lia a man ranga hoboto turu Bulungana u Niga tere Kristo.

1 Korin 15:10

Kaba tara nihitaguhu tere Sunahan ba lia temar butu uagu teka, na nikalala i tanen ema la pukpuku nei. Alia e kui hatagala bala regu a palair u aposol hoboto, kaba ema lia nei. E Sunahan te ka gono menou lia.

1 Korin 3:9

Alam u katunun kui hoboto tere Sunahan. Alimiou a kui i tanen na luma has i tanen.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Kolosi 1:29

Nonei te sioung sila gialia bate kui hatagala koru megu a nitagala i tanen te kana i tar bate las hatagala korue noulia.