Aposol 7:2 - U Bulunagana U Niga

^2-3 Be Stiven e ranga palisina me poeiena, “A matsi hahatoulana na matsi hahatamana, hengo iam! A Sunahan turu ualesala e butuia tere tuburara e Abraham tara pöata te ka ien i Mesapotemia ba nonei tema la noanei i Haran, me poeiena, ‘Alö go laban a hun katuun na han i tamölö ba lö te lauam tara han te hatare goi lia alö.’

Aposol 7:2 Iomraidhean Croise

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 12:41

E Aisaia e mar ranga uu teka, taraha nonei e tara mami tega pan uu e Kristo me hatei nanen.

Aposol 22:1

Ba nonei e poeiena, “A man hatamana na man hatoulana, hengoiam ba lia te ranga hatarare gia i tamilimiou.”

Aposol 23:7

Nonei e ranga hakapa uu teka ba hiagetageta e taniana i gusuna u Parasi na u Sadiusi, ba u hagum teka e lakatana i hagus.

Aposol 7:1

Ba tsunono pan turu pris e rangatena e Stiven, “U ranga teka e manana?”

1 Korin 2:8

U tsunono panira i puta ima atei sile ii a manka teka. Sanena nori ti atei sileien, ba nori tema antunan nila nari a Tsunono Pan i tarara tara kuruse.

Epesis 1:17

Alia e singosingo uagu tere Sunahan e Tamana e Iesu Kristo a Tsunono i tarara, e Tamanen te ka mena a nitsunono pan. Alia e singo silegu tego hala meraien limiou ta niatei na tego haröto menaien a peisanen i tamilimiou, ba limiou te atei sile mou e Sunahan.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 11:8

Te hamana menai e Abraham e Sunahan me hengoena te ngö menaien tega la uaien tara han tena hala nanouen, temar ranga uu e Sunahan. Be Abraham e laba nena han i tanen, kaba nonei ema atei sile ii ime tega la uaien.

Jemis 2:1

A matsi hahatoulana, alimiou goma poeiemi a tson moni e nigana na katuun papala e omina. E möa. U mar hakats teka ema niga nei turu katuun te hamana uaier tere Iesu Kristo a Tsunono Pan i tarara.