Aposol 6:9 - U Bulunagana U Niga

⁹ Ba palair u katuun e tanian raharaher e Stiven. Nori a pal katuun tara töa luman lotu turu Jiu ti ngöei a luman lotu turu Friman. Nori u katunur i Sairini na i Aleksenria na i Silisia na i Eisia.

Aposol 6:9 Iomraidhean Croise

Matiu 10:17

Haneiam, u katuun ena pile kap rariou limiou bate lu mera rilimiou turu kout, ba nori tena lahus raroua limiou turu luman lotu i taren.

Matiu 23:34

Tara markato teka alia e hala ragou limiou u propet na u katuun u atei na u tson ateira tara lo. Ba limiou tena atung hamate ramiou a palai bate tapala ramien tara kuruse bate kato hamate ramen, ba limiou te lahus ramia a palai turu luman lotu i tamilimiou bate kute meramien tara mamana man taun.

Matiu 27:32

Tara pöata ti laien, ba nori e sabeier a töa tsonuna i Sairini, a solonen e Saimon. Ba nori e hatöe rien a kuruse tere Iesu.

U Bulungana u Niga tere Iesu Kristo te kolotein e Mak 13:9

“Alimiou go hanei iam, taraha u katuun e pile kap rariou limiou bate hala mera roi limiou turu kout, ba nori te atung raroua limiou tara man luman lotu. Na limiou ena tuol möa i matar u gamman na u king, taraha alimiou e hamana mia i tar, ba limiou te hatei ramouien u Bulungana u Niga.

U Bulungana u Niga tere Iesu Kristo te kolotein e Luk 21:12

Kaba i mamina te butu noua a manka teka, ba limiou te pile kap rariou bate kato hohomi pinopino rariou. Alimiou e kout raria romana iahana a man luman lotu turu Jiu bate haka raria tara karabus. Na limiou e lu merari romana i matar u king na turu gamman te hamana uami limiou i tar.

Aposol 11:20

Kaba e ka has meir u katunura i Saiprus na i Sairini, nori i sohala ma turu katuun ti lauama tara taun i Antiok bate hatei laner u raranga turu katuun has tima Jiu ii. Nori i hahatein u Bulungana u Niga tere Iesu Kristo.

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 13:45

Kaba palair u Jiu i tara u katuun u parpara ti gono, ba toriren e hiomi koruna. Nori i torohanan pita putei u raranga tere Pol bate ranga homi naren.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 15:41

Ba nori e sila ria tara provins i Siria na i Silisia, mena hatagala raier u kristen tara man makum teka.

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 18:24

A töa Jiu a toun Aleksenria emi kaia i Epesis. A solonen e Apolos. Nonei a katuun te roron katoi a man ranga a man niga, na nonei e atei sil koru hasi u raranga tere Sunahan te kana turu Buku u Göagono.

Aposol 19:10

U raranga teka e la me antunena u huol u hiningal. U katuun hoboto u Jiu na u katunura i Grik ti kaia tara provins i Eisia i hengo hoboti u raranga tara Tsunono.

Aposol 19:26

Na katuun teka e Pol e habirits hakapi u hakats tara katuun a parpara be poeiena, ‘U kesa te kuieri ualima ema got hamanari.’ Alimiou u tare men na limiou u hengo hakapa hase men. Nonei ema markato peisa uai teka i Epesis. E möa. Nonei e kato hasema a man ranga teka tara han a parpara koru iahana provins teka i Eisia.

Aposol 21:27

Te katsin kapaia u tohit u lan teka, ba u Jiur i han i Eisia e röte ria e Pol i Luman Lotu Pan. Ba nori e kato haraharaha rer u katuun hoboto be pile kap ner e Pol.

Aposol 21:39

Be Pol e poeiena, “Alia a toun Jiu na tara taun i Tasus, a taun te panina tara provins i Silisia. Alö go haniga ba lia te ranga gia turu katuun.”

Aposol 22:19

Ba lia e poeiegu, ‘O Tsunono, nori e atei sil koruer alia u la uu tara mamana luman lotu hoboto turu Jiu bate lu regu u katuun te hamana ria i tamölö. Ba lia tena haka ragien tara karabus bate hasingata has ragen.

Aposol 22:3

Be Pol e poeiena, “Alia a toun Jiu ti poseia i Tasus, a taun i Silisia. Kaba alia u pan ia tara taun teka i Jerusalem na e Gamaliel nonei a tson hihatuts i tar. Alia u tsitsiloia tara man Lo hoboto turu tuburara, na lia u tagala sil koru tego kukute haniga menai lia e Sunahan, te kato has uami limiou hoboto i romana.

Aposol 23:34

Ba gamman e tarena u pas me rangatena e Pol, “A han tamölö i me?” Pöata te hengo naien e Pol a toun Silisia ba nonei e poeiena, “Alia e hengoe gou romana lö tara pöata te la ruma romana u katuun te kout nariou lö.” Ba nonei e ranga merena u soldia i tanen tegi pepeito kap haniga menai e Pol iahana luman gamman tere Herot.

Aposol 24:18

Na lia u kato hakapi a markato tego gogoso uu lia i matana a Lo. Alia u markato u teka iahana a Luman Lotu Pan ba nori e tare riou lia. Na e möa ta pal katuun tegi ka gono meiou lia, na e möa has tu geta.

Aposol 26:11

Alia u hahuna hapara raien tara man luman lotu hoboto turu Jiu na u torohana hatagala sil tegi ranga uaien bate holis ner a manka ti hamanaien. Alia u raharaha homi koru raien me kute has meragien turu han i lehana tegona kato homi meraien lia.”

Aposol 6:10

Kaba u Namnamei tere Sunahan e hale ii e Stiven a niatei a niga koru, nori ima antuna ii temar ranga sila uu e Stiven.

1 Korin 1:20

Esi nonei a katuun a atei? Na esi nonei a katununa turu buku? Na esi nonei a katuun a ateina tara Lo tere Mosis? Nori hoboto ema pan ria i matana e Sunahan. E Sunahan e hatei hakapein a niateina tara han i puta, a ka papala koru.

Galesia 1:21

Murinen balia e la uagu tara provins i Siria na i Silisia.