Aposol 6:4 - U Bulunagana U Niga

⁴ Ba lam te kui nitöa moua tego singo u lam tere Sunahan na tego taguhu has merailam u katuun turu raranga tere Sunahan.”

Aposol 6:4 Iomraidhean Croise

U Bulungana u Niga tere Iesu Kristo te kolotein e Luk 1:23

Ba pöata te kapaia a pöatan kui tere Sakaria iahana Luman Lotu Pan, ba nonei e la pouts uana i han.

Aposol 1:14

U katuun hoboto teka i gono hoboto bate singo nitöa uaier tere Sunahan. Nori i ka gono has mer a touhaliou, ne Maria e tsinana e Iesu, na u toulana e Iesu has.

Aposol 2:42

Nori i ha hengo hanigan töaia turu hihatuts turu aposol bate singo gono meraren tere Sunahan, na nori i nou gono has mer u aposol.

U pas te koloto menai e Pol turu kristenira i Rom 1:9

A peisar hoboto e tagala silena a toukui tere Sunahan, balia te ranga hatei lanegu u Bulungana u Niga tara Pien i tanen. Ne Sunahan e atei silena te roron singo sil bera gilia limiou, tara mamana pöata te singo gia lia.

1 Korin 9:16

Na lia ema antunan haröto has megi te habulungana mena gilia u Bulungana u Niga. E möa. E Sunahan e ranga hatagala meiou lia tego rarare u lia. Na nomi e tatei butuna i tar tegoma habulungana menai lia u Bulungana u Niga.

Pilipai 1:4

Na te singo sil meragi lia limiou tara mamana pöata, bate singo megu a nisasaala.

Kolosi 2:1

Na lia e ngilin hatei ragi limiou, alia u kui hatagala sil koru rilimiou na u katuun hasira i Laodisia te hamanar, na u katuun has tima tara noaia i matar.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

Kolosi 4:17

Ba limiou tena hatei miou e Akipus, alö go kato hamana korui a toukui te halei lö a Tsunono.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.