Aposol 6:3 - U Bulunagana U Niga

³ Alimiou go hopö kap raiam a tohit a katuun i gusumilimiou te ka mer a solo a niga i matar u katuun, na u Namnamei u Göagono ega saputuia i taren bate ka meier a niatei a niga. Ba ra te haka raiera u katuun teka egi tara kapiin nonei a toukuin kannou teka.

Aposol 6:3 Iomraidhean Croise

Matiu 23:8

“Kaba u katuun ema tatei ngö raroui limiou u Rabai (te poeiena a Tson Hihatuts) taraha alimiou e ka memiou a töa puku a Tson Hihatuts, nonei a Tsunono, na limiou u munmun toulana.

U Bulungana u Niga tere Iesu Kristo te kolotein e Jon 21:23

Ba u raranga e tala uana turu katuun hoboto tere Iesu te pei menaien alia ema antunan mate gi romana. Kaba e Iesu ema pe ii alia e Jon ema mate gi romana. E möa. Nonei e pei lasi, “Te ngile goua lia nonei ega töatöa nitöa e antunana tara pöata tena kopis pouts guma romana lia, a ka teka ema ka uanei i tamölö.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 1:21

“A katuun te tataala gono meraiou ra tara mamana pöata ti hula la gono mei ra e Iesu, te taniama tara pöata te baptais raia e Jon u katuun batena antunana tara pöata te laba raia ra e Iesu te lauaien i Kolö, a katuun te tara hamatskö te takei pouts ia e Iesu tara tou mate i tanen, a katuun teka ega tahongoia i tarara.”

Aposol 10:22

Ba nori e poeier, “A töa tsunono tara ami, a solonen e Konilius, e tula rena moulam. Nonei a katuun a niga na nonei e hatsunono hasena e Sunahan, u Jiu hoboto e hanige ren. A töa angelo tere Sunahan e butuia i tanen me poeiena, ‘Alö gona ngöeiema e Saimon Pita ba nonei te la uanama i luma i tamölö, balö te hengo mia turu ranga i tanen.’”

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 16:2

U kristenira i Listra na i Aikoniam i hamana korui a markato tere Timoti me poeier, “Nonei a katuun a niga.”

Aposol 2:4

Ba nori e saputu hoboto meier u Namnamei u Göagono tere Sunahan, te haranga raien na te hala raien a niatei na nitagala tegi antunan ranga uaien tara man taina man ranga.

Aposol 22:12

“A töa tson a solonen e Ananias e la uama i tar. Nonei a katuun te hatsunonei e Sunahan bate kukutiena a Lo i tarara, na u Jiu hoboto ti kaia i Damaskus i haniga korueien.

Aposol 28:14

Ba tara taun teka ba lam e saberaiam u katuun ti hamanaia tere Iesu. Ba nori e ngö rariou lam ba lam ena ka gono meramen u tohit u lan. Ba lam e töan la uaiem i Rom.

Aposol 6:2

Ba maloto na huol a aposol e ngö gögono rer u katunun tsitsilo hoboto me poeier, “Ema niga koru nei tego hapolasan hahatei menai lam u raranga tere Sunahan bate tara kap nem a kannou.

Aposol 6:5

U katuun hoboto i haniga korui u raranga ti katoi u aposol. Ba nori e hopö kap naier e Stiven, a tson te ka mei u nihamana u kapan na te saputu mei u Namnamei u Göagono. Ba nori e hopö kap has naier e Pilip ne Prokoras ne Naikena ne Timon ne Pamenas na e Nikolas. E Nikolas a katununa i Antiok te la uama tara pala turu Jiu.

Aposol 6:6

Ba nori e hatuol raria u katuun teka i matar u aposol, ba nori e singo uaier tere Sunahan me hatakope ria a limaren i taren tega kalala meraien e Sunahan tara toukui i taren.

Aposol 9:30

Na tara pöata ti hengo naia u katunun tsitsilo tere Iesu a ka teka, ba nori ena piou naria e Sol tara taun i Sisaria me hala ba naren i Tasus.

1 Korin 12:8

A töa e haleri a nitagala tego ranga meien u hakats u niga, na tabi e haleri a nitagala tego habulungana menaien a niatei a niga.

1 Korin 16:3

Ba tara pöata tena tuku gia romana lia, ba lia te hala regu u katuun tena haniga ramou limiou ba nori te söater a monin hitaguhu teka, a man pas tena haröto nena nori u katunura i tarara, bate lauaier i Jerusalem.

Epesis 5:18

Na limiou goma spak mi. A markato teka e kato hohomiena a katuun. Kaba limiou go saputu meiam u Namnamei tere Sunahan.

1 Timoti 5:10

Na nonei has a amoaba teka te kamena a solo a niga tara man markato a man niga te kato mameien. Hena, te hatuts haniga raien a galapien i tanen bate tara kap haniga ranen, a solonen e tatei kana tara man solo. Na te taguhu haniga raien u katuun ti tuku ti lama tara tana han, bate galus hasena a mour u katuun u kristen na te taguhu raien u katuun te ka mer a siki bate torohanan katoena a mamana markato a niga, nonei e tatei hakoloto nena a solonen tara man solo.

Jemis 1:17

A mamana markato a niga na matskö e tuhana nama iasa. E Sunahan te hala rena men, na nonei te katoe u mamana u alesalana i Kolö. Nonei ema antunan palis nei na ema antunan kukutenei u oho i tanen.

3 Jon 1:12

A mamana katuun hoboto e hanigeiena e Demitrias. Nonei a katununa turu raranga u mana. Alam e haniga hase men, na lö e atei silem u raranga i tamulam e manana.