Aposol 6:11 - U Bulunagana U Niga

¹¹ Ba nori e hol raier a palair u katuun tegi pei menaien, “Alam u hengoi te ranga homi menaien e Mosis na e Sunahan!”

Aposol 6:11 Iomraidhean Croise

U Bulungana u Niga tere Iesu Kristo te kolotein e Jon 1:17

E Sunahan e hala silanama a Lo tere Mosis, kaba u pannen u nihitaguhu na nimana tere Sunahan i habutu sila nama tere Iesu Kristo.

U Bulungana u Niga tere Iesu Kristo te kolotein e Jon 16:3

Nori e katoe riou a manka man omi teka, taraha nori ema atei sile roi lia ne Tamar has.

U Bulungana u Niga tere Iesu Kristo te kolotein e Jon 9:29

Alam e atei silem e Sunahan e ranga gono mei e Mosis. Kaba a katuun teka, alam ema atei silemi ime te la men.”

Aposol 15:21

Taraha, i manasa na te la noahasina i romana, u katuun te hahatei ner u raranga tere Mosis e ka ria turu taun hoboto. Na nori i roron habulunganein u raranga i tanen iahana u luman lotu turu Jiu turu mamana u lanin lotu i taren.” E Jemis temar ranga uu teka.

Aposol 18:6

Kaba nori u Jiu i hipusiin u ranga i tanen me ranga sisi ria i tanen. Ba nonei e tohu ba nena u köahu turu hasobö i tanen te haröto merien a raharaha i tanen. Ba nonei e poeiena i taren, “Te tapolasa ba nemoa limiou e Sunahan bate tiamiou, a ka peisa noahas i tamilimiou. Alia u hatei hakapa railimiou u raranga u mana. Alia e la hamanasa tala uagou turu katuun tema Jiu ri.”

Aposol 21:28

Ba nori e ku hapanir me poeier, “U katunura i Israel, mi taguhu ramou lam! Nonei lasi a tson teka te hatuts rena u katuun tara man han hoboto tegi tori tsuga ba menai u katunura i Israel a Lo tere Mosis na Luman Lotu Pan teka. Na tana ka lel has, nonei e piou hasir u katuun tema Jiu ri iahana Luman Lotu Pan ba nonei e kato habahi hakapena a makum a Göagono teka!”

Aposol 25:7

Pöata te tuku hakapa ia e Pol ba u Jiu ti lama i Jerusalem e tuol hahise ren, ba nori e sake rien u parpara u ranga u tiama. Kaba nori ima antunan haröte ii e Pestus tego mana uu a man ranga teka.

Aposol 26:11

Alia u hahuna hapara raien tara man luman lotu hoboto turu Jiu na u torohana hatagala sil tegi ranga uaien bate holis ner a manka ti hamanaien. Alia u raharaha homi koru raien me kute has meragien turu han i lehana tegona kato homi meraien lia.”

Aposol 6:10

Kaba u Namnamei tere Sunahan e hale ii e Stiven a niatei a niga koru, nori ima antuna ii temar ranga sila uu e Stiven.

Aposol 6:12

Ba nori e hala ner u ranga te kato haraharahir u tsunono na u tson hihatuts tara Lo. Ba nori ena tarer e Stiven me pile kap naren mena piou narien i matana u Kout Pan.

Aposol 6:13

Ba nori e hatuol rer u katuun tegimi gamo uaien bate poeier, “A katuun teka e roron ranga homi nena a luman lotu a Göagono i tarara na Lo has tere Mosis.

U pas te koloto menai e Pol turu kristenira i Rom 3:8

A palair u katuun e mar gamo uar teka bate poeier, “Aragi markato uu teka, ‘Aragi kato homi sil tega butu uu ta ka ta niga.’” Nori e ranga homi nariou lia bate poeier nonei a man raranga i tar teka. Kaba e möa. E Sunahan e hala ranouien a nihahuna te matsköna i taren.

1 Timoti 1:13

Noahasina ti roron ranga hohomi sil menaien lia i manasa na tu kato hohomi menai lia u katuun i tanen. E Sunahan e taatagi naiou lia, taraha alia u hahamana naien batema atei silegi a ka ti kati lia.