Aposol 6:1 - U Bulunagana U Niga

¹ Tara man pöata teka u hihase turu katunun tsitsilo e para susul. U katuun ti atei sil u rangan HaGrik i raharaher u katunura i Hibru u amoaba i taren ima tara sil rai tara pöata ti molamola naia a kannou.

Aposol 6:1 Iomraidhean Croise

Matiu 23:13

E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

Aposol 11:20

Kaba e ka has meir u katunura i Saiprus na i Sairini, nori i sohala ma turu katuun ti lauama tara taun i Antiok bate hatei laner u raranga turu katuun has tima Jiu ii. Nori i hahatein u Bulungana u Niga tere Iesu Kristo.

Aposol 11:26

Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.

Aposol 2:41

U katuun ti hengoe u ranga i tanen bate sasaala meren i baptaisir. E sukusukuia turu 3,000 turu katuun ti baptaisir nonei turu lan teka temi hahonoto gono mer u katunun tsitsilo.

Aposol 2:45

Nori i haholin a manka i taren bate molamola naier a moni turu katuun hoboto ti möa ta moni.

Aposol 2:47

Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

Aposol 4:35

Ba nori emi hala narien turu aposol, ba u aposol e molamola rarien u katuun hoboto e antunaia timar makmakum hapopoien tara mamanaka.

Aposol 4:4

Kaba a katuun a parpara koru ti ka me hengoeier u raranga i taren me hamana korur, me hapara lel raier a pala ti hamana mamia tere Iesu. Na u hihase tara pal tson hoboto e sukusukuia turu 5,000.

Aposol 5:14

Kaba a para tson na tahol i hamana mena tapo raier a pala tara Tsunono.

Aposol 6:2

Ba maloto na huol a aposol e ngö gögono rer u katunun tsitsilo hoboto me poeier, “Ema niga koru nei tego hapolasan hahatei menai lam u raranga tere Sunahan bate tara kap nem a kannou.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

Aposol 9:29

Nonei e hiararanga gono mer u Jiu ti atei sil u HaGrik me hiatagtagala mer u ranga. Ba nori e hakats ner tegi puli menaien e Sol.

Aposol 9:39

Be Pita e takeina me la gono mera nen. Pöata tina butuien ba u katuun e las menarien tara rum iasa te kaia e Dokas. U amoaba i tuol hobotoia i rehina e Pita bate taber. Nori i haröto haseien a man hasobö te katoe e Dokas me hala raneien tara pöata te ka gono noa meraien e Dokas.

Aposol 9:41

Be Pita e pile nena a limanen me las hatakeie nen, be Tabita e tuoluna. Nonei e töatöa pouts tala. Be Pita e ngö gögono rena u amoaba na palair u kristen, ba nonei e hala pouts raneien e Dokas.

U pas te koloto menai e Pol turu kristenira i Rom 12:7

Te haleia lö e Sunahan a nitagala tego taguhu menai lö a tai, balö te hitaguhu hasim. Te haleien lö a nitagala tego hihatuts uu lö, balö te hihatuts hasim.

1 Korin 10:10

Ara gima ranga homi nai a nikaka i tarara ti markato uu a palai i taren ba angelona tara tou mate e atung hamate raren.

2 Korin 11:22

Nori a tei Hibru? Alia has a toun Hibru. Nori a tei Israel? Ga lia has a toun Israel. Nori e hatubuna ria tere Abraham? Ga lia has.

Pilipai 3:5

Hena, turu hatöalina u lan ti poseia lia, ba lia e pöe riou. Alia u töa u rahatsing turu katunura i Israel, a toun Hibru hamana, taraha alia u tuhanaia tara hun katuun tere Bentsamen. Na lia has a töa Parasi i manasa, na lia u tagala sil korui a Lo turu Jiu.

1 Timoti 5:3

Alö go taguhir u amoaba ti möa koru ta katuun tega taguhu raien.

1 Timoti 5:9

A amoaba te kamena u 60 u hiningal, na te töli a töa puku a tson, nonei a amoaba te tatei hopö naria turu solo turu amoaba te tatei taguhu raier.

Hibru 13:1

Ngil raiam a man hahatoulana i tamilimiou te hamana uami limiou tere Kristo.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

Jemis 4:5

U raranga tere Sunahan ema ranga papala nei te pei mena neien, “U namnamei te hakeia e Sunahan iaharara e ka mena u ngil u tagala, u ngil te kamena a hiomi pan koru.”

Jemis 5:9

A matsi hahatoulana, alimiou goma ranga memi a raharaha te ranga mia limiou tara tana katuun, be Sunahan tema ona has ranoui limiou. Taraiam, a Tsonun Hamou e sukusukun tukuna, e tuol na i matana a tamana.