Aposol 5:26 - U Bulunagana U Niga

²⁶ Ba tson pepeito kap e la gono merena u polis i tanen mena lu pouts rarima u aposol. Kaba nori ima atung rai u aposol, taraha nori i matouti tegi titi hatu meraien u katuun.

Aposol 5:26 Iomraidhean Croise

Matiu 14:5

Be Herot e katsin atung hamatie nen, kaba nonei e matoutir u Jiu. Taraha, nori i pei e Jon a töa propet.

Matiu 21:26

Na ra ena mots poe hasera, ‘E Jon e kamei a nitsunono tara katuun.’ Taraha, u katuun hoboto e poeier e Jon a propet tere Sunahan. Na ra e matoutera tena raharaha uaren.”

Matiu 26:5

Ba nori e poeier, “Ara ema tatei katoe rien tara pöata tara kannou, taraha u katuun e namots hiagetagetar.”

Matiu 26:58

Kaba e Pita e kukutela e Iesu kaba nonei e tataala halehana ba raien me lan töa uana tara luma tara tsunono pan turu pris, ba nonei ena kana i pal matana a luma iahana ololo ti ololo hahisei a luma. Ba nonei e gum gono merena u tson pepeito kap tego tara kap menaien a saha ka tego butuia tere Iesu.

U Bulungana u Niga tere Iesu Kristo te kolotein e Luk 20:19

U tson hihatuts tara Lo na u pris pan i ngilin pile kap hamanasein e Iesu. Taraha? Nori i atei sil e Iesu e saka raien u haharuei teka, kaba nori i matoutir u katuun.

U Bulungana u Niga tere Iesu Kristo te kolotein e Luk 20:6

Na te pei rouara, ‘E Jon e ka mei a nitsunono tara katuun,’ ba u katuun hoboto te titi hatu rariou ra. Taraha? Nori e hamana koruer e Jon a töa propet tere Sunahan.”

U Bulungana u Niga tere Iesu Kristo te kolotein e Luk 22:2

Ba u pris pan nu tson hihatuts tara Lo e torohanan sake ner ta maroro tegi kato hamate momous menaien e Iesu. Taraha? Nori i matoutir u katuun.

U Bulungana u Niga tere Iesu Kristo te kolotein e Luk 22:4

Be Judas ena ranga gono merena u pris pan na u katuun pan turu tson kahete na tara Luman Lotu Pan, tega mar hala menaien e Iesu i taren.

Aposol 4:21

Ba pal kapan e ranga hatagala lel mera ren me töan hapurese raren. Nori ima sabe ii ta markato tegi mar hahuna sila meraien, taraha u katuun hoboto i ranga me soloseier e Sunahan tara ka te butu.

Aposol 5:13

U katuun tima hamana ii ima la ua ii ti kaien kaba nori i hala raien u pannen koru u tara marei.

Aposol 5:22

Ba pöata tina tukuia u polis, ba nori ema sabe rari u aposol tara luman karabus. Ba nori e la pouts uarima turu Kout memi hateir, “A pöata tena tuku mula lam tara luman karabus, alam ena sabie mula a man tamana e pili hakarapoto koru lala, na u tson pepeito kap e tuol has rima turu tamana. Kaba pöata te kalate muma lam u tamana, alam ema sabie mumei ta töa iogana.”

Aposol 5:24

A tson pepeito kap turu polis ti tara kapiin a Luman Lotu Pan na u pris pan i hengo a ka teka me hakats hapara koru ner a ka te butuia turu aposol.

Aposol 5:25

Ba töa katuun e tasu nama me poeiena i taren, “Hengoiam! U katuun tu haka ramia limiou tara karabus e tuol ria iahana Luman Lotu Pan, nori lahas te hatuts rer u katuun!”