Aposol 5:19 - U Bulunagana U Niga

^19-20 Kaba tara bong ba angelo tara Tsunono e kalatena a tamana tara luman karabus me halakasa rena u aposol me poeiena i taren, “Na tuol mia iahana Luman Lotu Pan bate hatei rami u katuun u raranga hoboto tara markato a tsimus teka.”

Aposol 5:19 Iomraidhean Croise

Matiu 1:20

E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.

Matiu 1:24

Be Josep e tagulena ba nonei e kato tatatiena temar ranga menaien a angelo tara Tsunono me töleiena a tahol i tanen.

Matiu 2:13

Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”

Matiu 2:19

I murina te mate hakapaia e Herot, ba töa angelo tara Tsunono e butuna turu sinasoho tere Josep i Itsip.

Matiu 28:2

Ba nun a tagala e songots gasina, taraha a angelo tara Tsunono e lama i Kolö me hategele ba nena a hatu, me gumna ielunen.

U Bulungana u Niga tere Iesu Kristo te kolotein e Luk 1:11

Ba töa angelo tara Tsunono e butuna tere Sakaria me tuolna tara pal matou tara makum te hahaatse ria u insens.

U Bulungana u Niga tere Iesu Kristo te kolotein e Luk 2:9

Ba töa angelo tara Tsunono e butuna i taren, ba u ualesala pan tara Tsunono e alesala uana i taren ba nori e matout korur.

Aposol 10:3

Turu töa u lan tara pal 3 kilok tara lahi nonei i hatare ii u töa u hiharöto te tara hanigan töa naien a angelo tere Sunahan bate tasuna me poeiena i tanen, “O Konilius.”

Aposol 12:23

E Herot ema solosei mamei e Sunahan, ba angelo tara Tsunono e atunge nen. U kakaminei i noueien, ba nonei e mate nitöana.

Aposol 16:26

Ba töa nun a pannen koru e songots butuna me gas hapanena a luman karabus me tagas hanöa nitöa nama i kopina u tul tara luma. Ba man tamana hoboto e takalatar, na u tsien i tapurese ba hasir a mour u karabus me rusur.

Aposol 27:23

Taraha, i bong a töa angelo e tuol lala i rehir, a angelo tere Sunahan te hopö kap naiou lia, e Sunahan te hatsunone gulia.

Aposol 8:26

Ba töa angelo tara Tsunono e poeiena tere Pilip, “Takei balö te la uaiem tara maroro te laba nena i Jerusalem, bate gala uana tara taun i Gesa.” A maroro teka e kaia tara makum a palaka.