Aposol 5:16 - U Bulunagana U Niga

¹⁶ U katuun u parpara ti lama turu han ti ka hahis a taun i Jerusalem emi piou hasir u katuun ti ka mei a siki na u katuun has ti ka mei a liliahanei, nori i kato haniga hoboto poutsir.

Aposol 5:16 Iomraidhean Croise

Matiu 2:16

Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.

Matiu 4:24

Ba u katunura tara mamana han hoboto tara provins i Siria e hengo ner a toukui na u hihatuts te katoe e Iesu. Ba nori e la merarima u katuun hoboto ti ka mei a mamana mar siki, u katuun ti sagohi a mamana mar kamits, na u katuun u popolöana, nu katuun u kotskotsibong, nu katuun u matekata. E Iesu e kato haniga hoboto pouts raien.

Matiu 8:16

Ba tara lahibong ba nori ena piou raria u katuun u para ti kamei u liliahanei, tere Iesu. Ba nonei e ranga tununa me tsuga baraiena u liliahanei u omi i taren. Ba nonei e kato haniga pouts has rena u katuun hoboto ti kamei a siki.

U Bulungana u Niga tere Iesu Kristo te kolotein e Luk 5:17

Turu töa u lan e Iesu e hihatutsia turu katuun. U Parasi nu tson hihatuts tara Lo tere Mosis i gum has. Nori i lama turu han hoboto i Galili na i Judia na i la hasma i Jerusalem. Na nitagala tere Sunahan e kaia tere Iesu tego kato haniga pouts meraien u katuun ti ka mei a siki.

U Bulungana u Niga tere Iesu Kristo te kolotein e Luk 6:18

Nori i la silema tegomi hengo uaien tere Iesu na tego kato haniga pouts meraien e Iesu tara man siki i taren. U katuun has ti ka mei u liliahanei u omi i lama me mi kato haniga pouts raier.

U Bulungana u Niga tere Iesu Kristo te kolotein e Luk 9:11

Pöata ti hengo naia u katuun te kaia e Iesu ba nori e kukutie ren. Ba nonei e haniga ranen me ranga mera neien a Nipepeito tere Sunahan, me kato haniga pouts rena a pala ti siki.

U Bulungana u Niga tere Iesu Kristo te kolotein e Jon 14:12

U mana koru alia e hatei ragou limiou, a katuun te hamana uana i tar ena katoe nou a man toukui te katoe gulia. Na man toukui i tanen e la sei na nou a man toukui teka, taraha alia e la uagu tere Tamar.

Aposol 4:30

Alö go harötein a nitagala i tamölö bate kato haniga pouts rem u katuun te ka mer a siki, bate katoeiem u mamana mirakol tara nitsunono tere Iesu a katunun kui a Göagono i tamölö.”

Aposol 5:15

Ba u katuun e söata halakasa merari u katuun ti ka mei a siki i kalana mena hopö rarien tara man inana na man holholasa. Nori i markato uu teka ba pöata te la ma e Pita ba u oho tanen te kopo rena a palai i taren bate kato haniga pouts ranen.

Aposol 5:17

Ba tsunono pan turu pris na u katuun ti ka gono meien, a pala turu Sadiusi, e hiomi koru ria turu aposol.

1 Korin 12:9

Nonei noahas u Namnamei teka te halenei a tana katuun a nitagalana turu nihamana, na tabi e hala haseri a nitagalana tego kato haniga pouts menaien a katuun te ka mena a siki.

Jemis 5:16

E markato uana teka, ba limiou te hiahahatei namiou a manka man omi tu katoeiam limiou, ba töa te singo uana tere Sunahan bate singo beiena a tai. Te kato uamou limiou teka, ba limiou te niga pouts mou. Te singo hatagalana a katuun te nigana i matana e Sunahan, u singo teka e katoe nou a toukui pan.