Aposol 5:11 - U Bulunagana U Niga

¹¹ U katuun hoboto tere Kristo na u katuun hoboto has ti hengoein a ka teka i matout koru.

Aposol 5:11 Iomraidhean Croise

Aposol 19:17

Ba u Jiu na u Grik hoboto ti kaia i Epesis e hengo ner a ka teka, ba nimatout a kapan e butuna turu katuun hoboto, ba nori e soloseier e Iesu a Tsunono.

Aposol 2:43

Ba u aposol e katoeier u mirakol u parpara, ba u katuun e matout korur.

Aposol 5:5

Pöata te hengoeia e Ananias a ka teka ba nonei e rusuna me tuhamate nitöa nena. Na u katuun hoboto ti hengoein u bulungana teka i matout koru.

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

Hibru 12:28

Na ragi haniga uu tere Sunahan te ka uaria ra tara nipepeito i tanen tema antunan gas nari. Aragi hatsunoneien na ragi singo uu i tanen, bate hapane ren na aragi matout haseien.

Hibru 4:1

U raranga te hopö kapiin e Sunahan te la uama i tarara e poeiena, ara ena tatei husaria i tanen. Kaba ragi hanei sil ta töa i tarara ena mots na la uanei nonei tara makumun hahusa teka.

1 Pita 1:17

Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.

Revelesin 15:4

O Tsunono, u katuun hoboto e matoute rioulö bate soloseie riou lö. Alö a töa te göagonom na te niga nitöam. U han hoboto emi hatsunono roua i tamölö, taraha a markato a matskö i tamölö i haröto hakapein.”