Aposol 4:36 - U Bulunagana U Niga

³⁶ Hena, a töa katuun a solonen e Josep te tuhanaia tara tolo i Saiprus na te hatubunaia tere Livai. U aposol i ngöeien e Banabas. A mouna solo teka e poeiena, “A katuun te katoena u rangan hitaguhu.”

Aposol 4:36 Iomraidhean Croise

U Bulungana u Niga tere Iesu Kristo te kolotein e Mak 3:17

Na e Jemis a pien tere Sebedi ne Jon e toulanen (te hala haseien a solo, e Boanetsis, te poeiena a galapien turu gururu).

Aposol 11:30

Nori i markato uu teka, ba nori e tula rer ere Banabas mere Sol tegina piou menaien u moni turu tsunono turu kristenira i Judia.

Aposol 12:25

Ba tara pöata ti hakapeia ere Banabas mere Sol a toukui i taren i Jerusalem, ba nori e luer e Jon Mak, me la pouts gono merien i Antiok.

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 13:15

I murina ti rit hakapeia u ranga tara Lo tere Mosis na palaina u raranga turu propet, ba tsunono na turu lotu e tuoluna me poeiena, “A matsi hatoulana, te ka memia limiou ta tsi rangan hitaguhu turu katuun, ba limiou te tatei hatei namen.”

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 13:4

Ba u Namnamei u Göagono e hala ranen ba nori e gala uaier tara taun i Selusia, tina osaien tara tolaala me lauar tara tolo pan a solonen i Saiprus.

Aposol 15:12

Ba u hagum e gumuna me hahengona turu raranga tere Banabas mere Pol ti hahatei menaien u mamana u mirakol te kato sila nai e Sunahan i taren i gusuna u katuun tema Jiu ri.

Aposol 15:2

Pöata timar ranga uu katuun teka, be Pol mere Banabas e hia raharaha gono me raren. Ba u kristen e hatuol raier ere Pol mere Banabas na palair u katuun has tegi la uaien i Jerusalem mena hamatskö gono merari u aposol na pal kapan turu kristen lotu u raranga teka.

Aposol 15:37

E Banabas e katsin peigi hasi e Jon ti ngö hase ii e Mak.

Aposol 15:39

A hiaraharaha taren e tagala koru ba nori e hialala kalakalar be Banabas e peigeiena e Mak be na osa ria tara tolaala me lauaier tara tolo i Saiprus.

Aposol 21:16

A palair u katunura i Sisaria ti hamanaia tere Iesu i la gono has meraiou lam. Ba nori ena piou raria lam i luma tere Nason, a katununa tara tolo i Saiprus. Nonei e kaia turu katuun ti hamanaia tere Iesu i manasa noa, ba lam ena ka mia i luma i tanen.

Aposol 21:3

Ba lam e tarem a tolo i Saiprus me la karasa ba mena mien tara pal keruka me lam. Ba lam e la uaiem tara provins i Siria mena sung mia tara taun i Taia. A tolaala ega hakouleia a kakö tara han teka.

Aposol 27:4

Ba lam e takei ba pouts nem a han teka be seil uaiem i hapalana tolo i Saiprus te oho, taraha alam u lagi lalaia tara lomolomo.

Aposol 9:27

Ba e Banabas ena piou nanen turu aposol me hatei raneien e Sol e tareia a Tsunono i maroro ba Tsunono e ranga gono menen. Ba e Banabas e hatei has raneien e Sol e ranga hatagala koru te hatei la menameien e Iesu i Damaskus.

1 Korin 14:3

Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien.

1 Korin 9:6

Ga lam peisa mere Banabas ema tatei hakapemi a toukuin moni i limamulam bate lu hasem a monin hitaguhu temar lu has uaier a palair u aposol? E möa, alam e tatei hakapam tego ngil uu lam.

Galesia 2:1

I murina u maloto na u tohats u hiningal, ba lam mere Banabas e la pouts lel uaiem i Jerusalem. Alia i lu hasela e Taitus me la gono has mera noulam.

Galesia 2:13

Na pöata te katoeia e Pita a ka teka, ba palair u Jiu ti kristen e kukute haser te markato uu e Pita, na e Banabas has. Ba lia e ranga hapiou megia e Pita i matar u katuun, taraha nonei ema kato hamatskö ii.

Galesia 2:9

Na ere Jemis mere Pita ne Jon a pal kapan turu Kristen, nori i tara sabe te hala menai lia e Sunahan a toukui teka, ba nori e haniga rariou lam mere Banabas. Na lam u haniga hobotein tego hatei noahas menai lam u Bulungana u Niga turu katuun te halhal ria turu Jiu, na tegi hatei noahas menaien u Bulungana u Niga turu Jiu.

Kolosi 4:10

E Aristakus, te karabus gono menou lia, e hala has ranoui limiou u hanhaniga, na e Mak has a hatoulana tere Banabas. Alimiou u lu hakapeiam u raranga te poeiena, tega la men romana i tamilimiou ba limiou te hanige men.