Aposol 4:32 - U Bulunagana U Niga

³² A pala ti hamana i ka mei u töa puku u tori na u töa puku u hakats. E möa ta töa i taren tega ranga bate poeiena, “A manka teka, a manka pepeisa i tar.” E möa. Kaba mamanaka hoboto i taren era manka hobotoien.

Aposol 4:32 Iomraidhean Croise

U Bulungana u Niga tere Iesu Kristo te kolotein e Jon 17:11

Alia ema ka lel goi tara han i puta teka, alia e la uagou i tamölö, kaba nori e ka roua tara han i puta teka. O Tamagulia alö te göagono korum, alö go tara kap raien tara nitagala i tamölö tu halei meilö alia, ba nori te katoe riou a töa katuun, te kato has uarara.

Aposol 1:14

U katuun hoboto teka i gono hoboto bate singo nitöa uaier tere Sunahan. Nori i ka gono has mer a touhaliou, ne Maria e tsinana e Iesu, na u toulana e Iesu has.

Aposol 2:1

Pöata te butuma u Lan u Göagono ti ngöei u Pentikos, u katuun tere Iesu Kristo i ka hoboto ia tara töa makum.

Aposol 5:12

U aposol i katoi u mamana u mar mirakol i gusur u katuun. U katuun ti hamana i gono hobotoia tara makum te ngöeri a Luman Oho tere Solomon.

U pas te koloto menai e Pol turu kristenira i Rom 12:5

Na e kato has uana iesana turu kristen. Ara e parpara ra kaba ra a töa hun katuun puku noahas te hamana uara tere Kristo. Ara a töa a hun katuun bara te hihitaguhira.

1 Korin 1:10

Alia e ranga hatagala koru meragou limiou tara solona a Tsunono i tarara e Iesu Kristo, alimiou go haniga hobotoiam batema kats kilkile mi a peisa milimiou. Alimiou go kagono hobotoiam, bate ka memiou u töa puku u hakats na u ngil.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.

1 Pita 4:11

A katuun te ka mena a nitagala tega habulungana menaien u raranga, ega habulungana hamatskön u raranga tere Sunahan. Na katuun te roron hitaguhuna ega hitaguhu mei a nitagala te lue nen tere Sunahan. Ba tara mamanaka a solona e Sunahan e hala sei sila naroa tere Iesu Kristo, nonei te ka nitöa mena a nikapan na nitagala tara mamana pöata. U mana.