Aposol 4:13 - U Bulunagana U Niga

¹³ Nori i asingoto koru ni timar ranga hatagala uu ere Pita mere Jon batema matout ri, me tara marei haser a huol a katuun teka ima la meia tu skul pan. Nori i asingoto koru me tara marei taleier ti lala gono menaien e Iesu i manasa.

Aposol 4:13 Iomraidhean Croise

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

Matiu 26:71

Ba pöata te lakasaien bena kana tara ololo i rehina tamana, ba tana taholun kui e tare nen me poeiena turu katuun ti tuol ia i sukusuku, “A katuun teka e ka gono hasmei e Iesu a toun Nasaret.”

Matiu 26:73

Ema pinai ba u katuun ti tuol ia i sukusuku e la uarima tere Pita memi poeier, “Alö has a töa katuun tere Iesu, taraha u ranga i tamölö e haröto nena tu la malö.”

U Bulungana u Niga tere Iesu Kristo te kolotein e Luk 22:8

Be Iesu e tula mera nei ere Pita mere Jon u raranga teka, “La mula ba limiou tena hamatsköe miou a manka, bara tena noue rou a kannouna turu Paska.”

U Bulungana u Niga tere Iesu Kristo te kolotein e Jon 19:26

Be Iesu e tarena e tsinanen na lia a katunun tsitsilo te ngil korueien, alam u tuol hobotoia i rehinen. Be Iesu e poeiena tere tsinanen, “A katunun tsitsilo teka, a pien i tamölö.”

U Bulungana u Niga tere Iesu Kristo te kolotein e Jon 7:15

A pal kapan turu Jiu i asingoto koruni a man ranga i tanen me poeier, “Nonei e mar atei sil menanei a manka teka ime? Nonei ima mala hatutse ii.”

U Bulungana u Niga tere Iesu Kristo te kolotein e Jon 7:49

Kaba u katuun te hamana uar i tanen, nori e tutu ba ner a man Lo tere Mosis. E Sunahan e hahuna ranouen romana.”

Aposol 4:14

Ba nori e hahalongolo mer ti tara menaien nonei a katuun ti kato haniga poutsi bate tuol gono meraiena ere Pita mere Jon.

Aposol 4:19

Bere Pita mere Jon e ranga palis raren me poeier, “Alimiou peisa tego hamoue iam a saha ka te nigana i matana e Sunahan. Alam ego hengo raiou limiou, tsi alam go hengoi e Sunahan?

Aposol 4:29

O Tsunono, alö go tara tala, te ranga sil mena rien u katunun kui i tamölö, hatagala ramou lam ba lam te ranga hatagalam batema tatei matoutmi.

Aposol 4:31

Tara pöata ti singo hakapaien, ba makum ti gono ien e tagasina. Nori hoboto i saputu mei u Namnamei u Göagono me tanian hatei ner u raranga tere Sunahan, nori ima matout ii.

Aposol 9:27

Ba e Banabas ena piou nanen turu aposol me hatei raneien e Sol e tareia a Tsunono i maroro ba Tsunono e ranga gono menen. Ba e Banabas e hatei has raneien e Sol e ranga hatagala koru te hatei la menameien e Iesu i Damaskus.

Aposol 9:28

Be Sol e ka gono mera nen me hula lana i Jerusalem, me ranga hatagala has nena e Iesu Kristo.

1 Korin 1:27

Kaba u katuun te ngö rari u tutu, e Sunahan e hopö kap sil raien tego hamatsingolo meraien u katuun u atei. Na u katuun te ngö rari u pinolasa, e Sunahan e hopö kap sil raien tego hamatsingolo meraien u katuun u tagala.

1 Korin 14:25

Te halakase noa a katuun tema hamananei a man hakats a man omi te hamouse nen, ba nonei te hatukununa bate hatsunono uana tere Sunahan ba nonei te poeiena, “E Sunahan e ka hamanana i gusumilimiou teka!”

2 Korin 3:12

Te ka tala memialam u mar nihamana teka alam ema matout tala mi.