Aposol 3:25 - U Bulunagana U Niga

²⁵ Alimiou u pal katuun turu propet. Na limiou u katuun te lu hasemiou a manka turu ranga hamana te hale ii e Sunahan u tubumilimiou. Nonei e pei tere Abraham, ‘Alia e kalala sila ragoua a man hun katuun hobotora i puta tara pala i tamölö.’

Aposol 3:25 Iomraidhean Croise

U Bulungana u Niga tere Iesu Kristo te kolotein e Luk 1:72

E Sunahan e pei nonei ega taatagir u tuburara batema tatei solopale nei u raranga u göagono ti kitsi.

Aposol 13:26

E Pol e ranga noa me poeiena, “A matsi hahatoulana i tar a galapien tere Abraham, na limiou has a palair u katuun te hatsunone miou e Sunahan, u raranga te poeiena e Sunahan e ngilin lu pouts rena u katuun ti hala mena meien i tarara noahas.

Aposol 2:39

U Bulungana u Niga teka e la uana i tamilimiou na tara galapien has i tamilimiou i murimuri. Na nonei e la has uana turu katuun hoboto te ka ria turu han i lehana na turu katuun hoboto te ngö rena e Sunahan.”

U pas te koloto menai e Pol turu kristenira i Rom 15:8

Alia e hatei ragou limiou, e Kristo e butun katunun kuia turu Jiu, taraha nonei e ngilin harötein e Sunahan e kato hatagali u ranga hamana te hala naien turu tubur u Jiu bate butu hamanana, na e ngil hasi u katuun tema Jiu ri egi solosei meien a nihitaguhu i tanen. Ti koloto has menaien turu Buku u Göagono: “Alia e habulungana nagoua lö, o Sunahan, i gusur u katuun tema Jiu ri, bate köma hasasaale goulö.”

U pas te koloto menai e Pol turu kristenira i Rom 4:13

E Sunahan e halan u raranga hamana i tanen tere Abraham na tara pala i tanen tegi tatei lu menaien a man han hoboto i puta teka. U raranga hamana teka ema butu sila meia tara Lo tere Mosis. E möa. E la silama tara markato turu nihamana te kato hamatskö rana u katuun i matana e Sunahan.

Galesia 3:16

Na e kato has uana iesana, e Sunahan e hale ii e Abraham na u hatutubunei i tanen u ranga hamana. U raranga teka ema ranga nanei a katuun a parpara. E möa. E ranga nena a töa puku a katuun, nonei e Kristo.

Galesia 3:29

Na limiou te pala uamiou tere Kristo e here hasemi a galapien hamana tere Abraham, na ka te ranga hamanein e Sunahan tega hala naien tere Abraham e la has uana i tamilimiou.

Galesia 3:8

I manasa koru e Sunahan e atei sil mami u katuun tema Jiu ri, ena hamana roua i tanen na turu Bulungana u Niga. Ba nonei te ngö ranoien u katuun u matskö. Na i manasa koru nonei e hate ii e Abraham u Bulungana u Niga teka. Ba nonei e poeiena, “Alia ena kalala sila ragoua a man hun katuun hoboto i puta i tamölö.” Temar ranga noahas uana u Buku u Göagono.

Revelesin 14:6

Ba lia e taregu a tana angelo e tapaia iasa koru. Nonei e ka mei u Bulungana u Niga te ka nitöana te habulungana nanen turu katuun i puta turu han hoboto na turu mamana u mar ranga hoboto na tara man hun katuun hoboto has.

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.

Revelesin 7:9

I murina a ka teka alia u tari a katuun a parpara koru, e möa ta katuun tega antunan ase sabe raien. Nori i lama tara mamana han hoboto tara man hun katuun, na turu mamana u mar ranga. Nori e tuol ria i matana u gumgum u göagono tere Sunahan na i matana a Tunan Sipsip. Nori i kamei a man hasobö a man hiaka bate pile ner a man kalan kikia i limaren.