Aposol 3:13 - U Bulunagana U Niga

¹³ A Sunahan tere Abraham mere Aisak na e Jekop na u tuburara i hala sei a solona a katunun kui i tanen e Iesu. Nonei a katuun teka tu hala mena milimiou turu katuun ti paköeien. Na e Pailat a gamman e ngilin purese e Iesu bate lana, kaba limiou u tori tsuga namen i matana e Pailat.

Aposol 3:13 Iomraidhean Croise

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Matiu 20:19

Ba nori te hala lel naroa lia turu katuun tema Jiu ri, ba nori tena hahakos ria i tar bate lahuse riou lia, bate nila naria lia tara kuruse. Ba turu hatopisana u lan balia te takei pouts gia romana tara tou mate.”

Matiu 22:32

Nonei e mar ranga uu teka: ‘Alia a Sunahan tere Abraham na lia a Sunahan tere Aisak na lia a Sunahan tere Jekop.’ U raranga teka e poeiena nonei ema Sunahan uanei turu katuun u mate. E möa. Nonei a Sunahan turu katuun te töatöar.”

Matiu 27:2

Ba nori e kitse rien a tsien me la menarien tere Pailat a gamman.

Matiu 28:18

Be Iesu e la hasukusuku uama i taren me poeiena, “E Sunahan e halei lia a nitsunono hobotona i Kolö na i puta.

U Bulungana u Niga tere Iesu Kristo te kolotein e Mak 15:11

Kaba u pris pan i tuker u katuun egi rangata sil hoboti tego hapurese menai e Pailat e Barabas pepeisa.

U Bulungana u Niga tere Iesu Kristo te kolotein e Luk 22:57

Be Pita e holisina me poeiena, “Alia ema atei sile gien!”

U Bulungana u Niga tere Iesu Kristo te kolotein e Luk 23:4

Be Pailat e poeiena turu pris pan na turu katuun u parpara ti gono, “Alia ema sabiegi ta ka ta omi tegi hahuna sile ii a katuun teka.”

U Bulungana u Niga tere Iesu Kristo te kolotein e Luk 6:37

Be Iesu e rangana me poeiena, “Ma ona rami a palai, ba limiou tema ona has raroui. Ma kato sil rami a palai gi hahuner, ba limiou tema hahuna has raroui. Alimiou ego nolo pouts raiam u katuun ti kato homia i tamilimiou, ba limiou te nolo pouts has rariou.

U Bulungana u Niga tere Iesu Kristo te kolotein e Jon 12:16

U katunun tsitsilo ima atei silei a ka teka nonei tara pöata. Kaba i murina te takei pouts ia e Iesu, ba nori te töan hakats pouts ner a manka teka i koloto beien turu Buku u Göagono, na man ranga i tanen e butu hamana.

U Bulungana u Niga tere Iesu Kristo te kolotein e Jon 18:40

Ba nori e ku hapanir me poeier, “E möa, hapurese e Barabas!” E Barabas a katuun a kopkop ne roron atung hasir u katuun.

U Bulungana u Niga tere Iesu Kristo te kolotein e Jon 19:11

Be Iesu e ranga palis uana i tanen me poeiena, “Sanena e Sunahan tema halei lö ta nikapan, alö sane möa hasem ta nitagala tego pitaputa menai lö alia. Kaba a katuun te hala nelala lia i limamölö, a markato a omi i tanen e pan bala nena a markato a omi i tamölö.”

U Bulungana u Niga tere Iesu Kristo te kolotein e Jon 19:12

Pöata te hengoeia e Pailat a ka teka ba nonei e ngil korueiena tega hapurese menaien e Iesu bate lana. Ba u Jiu e kur me poeier, “Te hapurese moua lö a katuun teka bate lana, alö ema hahikapien lel uamoi tara gamman pan e Sisa! A katuun te poeiena nonei a king e paköena e Sisa.”

U Bulungana u Niga tere Iesu Kristo te kolotein e Jon 19:15

Ba nori e ku lelir me poeier, “Atung hamateiam! Atung hamateiam! Nila namia tara kuruse!” Be Pailat e rangata ranen, “Alimiou e ngilemiou alia ego hanila naia a king i tamilimiou tara kuruse?” Ba u pris pan e ranga palise ren me poeier, “Alam u möa ta tana ta king. E Sisa lasi a töa!”

U Bulungana u Niga tere Iesu Kristo te kolotein e Jon 7:39

E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kolö.

Aposol 22:14

Ba nonei e poeiena, ‘E Sunahan ti hatsunoni u tuburara e hopö kap naiou lö tego atei sil menai lö u ngil i tanen, na tego tara menai lö a Katuun a Matskö i tanen, na tego hengo menai lö u raranga i rung nen pepeisa.

Aposol 24:14

Kaba alia e hatei goulö, nonei a Maroro teka tara Tsunono te ngöe rien ‘A markato te peko menari a hun katuun,’ e manana alia e roron kukutie gen. Alia e kukutiegu a Maroro teka ba lia te singo uagu tara Got turu tubumulam e Sunahan. Alia e hamanegu u raranga hoboto te kana tara Lo tere Sunahan na u ranga hoboto ti kolotein u propet.

Aposol 3:12

Be Pita e tara ranen me poeiena i taren, “Alimiou u katunura i Israel e asingoto koru namiou a ka teka bate tara tötoso uamuma i tamulam? Kaba a katuun teka ema niga mela lei a nitagala peisa i tamulam tsi a markato a niga i tamulam bate tataalana. E möa.

Aposol 3:26

Be Sunahan e hopö kap nena a katunun kui i tanen e Iesu, me hala mam mena meien i tamilimiou tega kalala meraien limiou. Nonei e ngilin habirits ba ranei limiou a man markato a man omi i tamilimiou.”

Aposol 4:27

Na ka teka e butuia i Jerusalem. U mana koru, e Herot a King na e Pontias Pailat a gamman i gono hoboto mer a pal kapan i tamulam u Jiu na u katuun halhal. Nori i gono hobotoia tara taun teka tegi kato homi menaien e Iesu, nonei a katunun kui a Göagono i tamölö tu hopö kap mamin lö tego Mesaia.

Aposol 4:30

Alö go harötein a nitagala i tamölö bate kato haniga pouts rem u katuun te ka mer a siki, bate katoeiem u mamana mirakol tara nitsunono tere Iesu a katunun kui a Göagono i tamölö.”

U pas te koloto menai e Pol turu kristenira i Rom 9:5

U katuun pan tere Sunahan i kaia i gusura u tuburen. Na e Kristo has e butun katuun ia turu Jiu, e Kristo te pan talana tara mamanaka. E Sunahan e tatei kato hasasaale nen tara mamana pöata. U mana.

Hibru 2:9

Kaba ara e tarera e Iesu i hale ii a solo pan, taraha nonei e lui a kamits pan me matena. E Sunahan e taatagi koru raioura me gamon haka pute na e Iesu turu angelo tego mate sil meraien u katuun hoboto.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.