Aposol 27:43 - U Bulunagana U Niga

⁴³ Kaba a tsunono tara ami e ngilin taguhin e Pol ba nonei e hapiou ranen. Ba nonei e ranga merena u katuun ti atein ape tegi kurapa uaien i tasi bate torohanan la mam uaier i kotolana.

Aposol 27:43 Iomraidhean Croise

Aposol 23:10

Pöata te takei hatagala susul ia a hiaraharaha, ba tsunono turu soldia e matoutena u katuun e namots las kakatser e Pol! Ba nonei e ranga merena u soldia egi la batena luba naruma e Pol bate la merumen tara luman soldia.

Aposol 23:24

Lu hasiam a man hos te hihitaguhu nariou tegi hosa menaien e Pol ba limiou te peito kap haniga namouen, ba limiou tena piou namien tere Piliks a gamman.”

Aposol 27:11

Kaba a tsunono turu soldia ema hengoi u ranga tere Pol. Nonei e hengo lasi u ranga tara kapten tara tolaala na tara katuun tere na tolaala.

Aposol 27:3

Bu hamahö ba lam ena tuku mia tara taun i Saidon be Julius e kato haniga koruena e Pol na e haniga hasein tegana tara menaien a matsi hahikapien i tanen ba nori te hale rien a matsi ka te ngileien.

Aposol 27:31

Be Pol e poeiena tara tsunono turu ami na turu soldia, “Tema ka roui a pal tson teka tara tolaala, ba limiou te tia mou!”

Aposol 27:42

U soldia i hakatsin tegi atung hamate meraien u karabus, taraha nori e namots ape sungor bate bus hakapar.

2 Korin 11:25

Topisa a pöata u katuun i singate ii lia a pata. Na töa pöata alia i titi hateiou. A topisa a pöata alia u ka ia tara tolaala te omi ia i tasi. Na tara töa pöata alia uolo ia i tasi tara töa lan na töa bong.