Aposol 26:3 - U Bulunagana U Niga

³ Taraha, alö e atei sil haniga koruem a markato hoboto na man harangata turu Jiu. Balia te ranga hataatagigu tego hengo menai lö alia ba tema haseseimi.

Aposol 26:3 Iomraidhean Croise

Aposol 21:21

Nori i hengoen tu hatuts mera mei lö u Jiu hoboto te ka ria turu han turu katuun tema Jiu ri ba lö te poeiem nori gi tori tsuga ban a man Lo tere Mosis, ba lö e ranga has nem tegima hapö menaien a hatöatongo tere Sunahan tara galapien i taren, ba nori tema tatei kukute haseri a markato turu Jiu.

Aposol 24:10

Ba gamman e hanigana tega kato menai e Pol u raranga i tanen. Be Pol e poeiena, “Alia e atei silegu turu hiningal u para alö a tsonun hahamou turu ranga tara pala i tamulam u Jiu. Ba lia te sasaala megu te ranga palis uagu lia i tamölö.

Aposol 24:4

Kaba alia e namots hatu kap nagou lö a pöata lehana. Alia e ranga hataatagi gia i tamölö tego hengo menai lö u ranga i tamulam.

Aposol 25:26

Kaba alia uma koloto noei tu pas tere Sisa a tsunono i tar, taraha alia ema atei silegi aha tego ranga sil mei lia e Pol. Balia temi piou nagien i matamilimiou, na i mata mölö bala o King Agripa. Ba pöata te kapa noa a man harangata teka balia te ka toum megou ta ka tego koloto sil mei lia e Pol.

Aposol 26:2

Ba nonei e poeiena, “O King Agripa. Alia e sasaala koru megu te hengo memulei lö u kout i tar i romana balia te hatei negu a manka hoboto te kout sil meri lia u Jiu.

Aposol 26:26

U mana koru a King e atei silena a manka teka, na i matamölö alia ema matsingolo nagi tego ranga uu lia. Alia e atei hamana sil koruegu e möa ta ka tega mous bani a matamölö, taraha a manka teka ima katoei i mous.

Aposol 26:7

Nonei u töa u raranga noahas te hamana ria a maloto na huol a hun katuun i tarara tegi lueiou, ba nori te hatsunono hapaner e Sunahan turu mamana u lan na tara mamana bong. Na nonei lasi u töa u nihamana teka te kout meri lia u Jiu, o King.

Aposol 28:17

U topisa u lan e la hakapa be Pol e ngö gögono rena a pal kapan turu Jiu. Pöata ti gono hoboto men ba nonei e poeiena i taren, “A matsi hahatoulana i tar, alia uma katoei ta töa ta ka tego tula puta menai lia u katuun i tarara na u mar hihatutsina turu tuburara. Kaba nori i karabuse ma lia i Jerusalem, ba nori e hala mena rilia turu katunura i Rom.

Aposol 6:14

Taraha, alam u hengoei te pei menaien, ‘Nonei e Iesu ni Nasaret e kato rure nou a Luman Lotu Pan bate palise nou a man markatona i manasa te hala raira e Mosis!’”

1 Korin 13:2

Na te ka megia lia a nitagala turu propet, na nitagala tego atei sil menai lia a mamanaka te mousuna na mamana niatei, na te ka megia lia u nihamana te tatei hasula megi lia a man pokus bate moana tu ngil tara tana katuun, alia a katuun papala tuun.