Aposol 26:24 - U Bulunagana U Niga

²⁴ Pöata te ranga noaia e Pol, be Pestus e kuna me poeiena, “O Pol, a baku mölö ema kui lel nei! A niatei pan i tamölö e kato hamomolöe noulö!”

Aposol 26:24 Iomraidhean Croise

U Bulungana u Niga tere Iesu Kristo te kolotein e Mak 3:21

Ba pöata ti hengo naia a hun katuun i tanen a ka teka, ba nori ena katsin lu poutse ren, taraha nori i pei, “Nonei e tutu hakapa.”

U Bulungana u Niga tere Iesu Kristo te kolotein e Jon 7:15

A pal kapan turu Jiu i asingoto koruni a man ranga i tanen me poeier, “Nonei e mar atei sil menanei a manka teka ime? Nonei ima mala hatutse ii.”

U Bulungana u Niga tere Iesu Kristo te kolotein e Jon 8:48

Ba u Jiu e poeier i tanen, “Alam ema gamo mi te pei mena milam alö a toun Samaria, na lö e kamem a liliahanei!”

U Bulungana u Niga tere Iesu Kristo te kolotein e Jon 8:52

Ba u Jiu e poeier i tanen, “Pua! Alam e atei talam te haranga mena nei lö a liliahanei! E Abraham e mate hakapa, na u propet has tere Sunahan. Kaba lö e poe noa hasem, ‘A katuun te kukutiena u hihatuts i tar ema mate koru noi.’

Aposol 17:32

U katuun i hengo hakapi u raranga tere Pol. Ba pöata ti hengo naien a katuun e takei poutsia tara tou mate, ba palai e gol hahamana naren. Kaba palai i pei, “Alam e ngilin hengoem u raranga i tamölö tara tana pöata.”

Aposol 22:1

Ba nonei e poeiena, “A man hatamana na man hatoulana, hengoiam ba lia te ranga hatarare gia i tamilimiou.”

Aposol 24:25

Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

Aposol 24:27

U huol u hiningal e la hakapa, be Posius Pestus e palisena e Piliks tara toukui i tanen. E Piliks e ngilir u Jiu egi haniga uu i tanen ba nonei ema hapurese ba nanei e Pol tara karabus.

Aposol 26:11

Alia u hahuna hapara raien tara man luman lotu hoboto turu Jiu na u torohana hatagala sil tegi ranga uaien bate holis ner a manka ti hamanaien. Alia u raharaha homi koru raien me kute has meragien turu han i lehana tegona kato homi meraien lia.”

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

1 Korin 4:10

Alam e heremi u katuun u tutu i matara u katuun te hengo mena milam e Kristo, kaba e noahasina alimiou u katuun u atei tere Kristo. Alam ema tagalami, kaba e noahasina alimiou e tagala korumiou. U katuun e sigala rariou lam bate hapan rariou limiou.

2 Korin 5:13

Te kato here mi lam u katuun u momolö i matamilimiou, alam e markato uaiem teka bate soloseiem e Sunahan. Na te hakats haniga mia lam, alam e taguhu ramou limiou.

2 Timoti 3:15

Tu tetenei noaia lö, alö i hatutse ii u Buku u Göagono te antunan hale noi lö a niatei temar lu pouts mera nei e Sunahan u katuun, te hamana uaren tere Iesu Kristo.