Aposol 26:23 - U Bulunagana U Niga

²³ U ranga teka e poeiena e Mesaia a katuun te hahalose rara ega sagohi a kamits ba nonei te takei mam pouts noa tara tou mate ba nonei tena habulungana nena tego lu pouts merai e Sunahan u Jiu na u katuun tema Jiu ri.”

Aposol 26:23 Iomraidhean Croise

Matiu 26:24

Alia tu butun Katunuma e mar mate uagou temar ranga uana u Buku u Göagono. Kaba a niomi pan e butuna romana tara katuun te haröto nanou lia turu katuun ti korupakö naiou lia. E niga bala nena a katuun teka egima mala posei.”

Matiu 27:53

Ba i murina te takei poutsia e Iesu tara tou mate i tanen, ba nori e labaner u kiou me la uar i Jerusalem, bena butu ria turu katuun u parpara.

U Bulungana u Niga tere Iesu Kristo te kolotein e Luk 2:32

Nonei e here noi romana u ualesala, bate haröto nena a maroro i tamölö turu katuun tema Jiu ri, na nonei e hala seie nou a solona a pala i tamölö a tei Israel.”

U Bulungana u Niga tere Iesu Kristo te kolotein e Luk 24:26

E matskö noa hasina tega sagoho menai e Mesaia a kamits teka bate töan luena a nitsunono i tanen.”

U Bulungana u Niga tere Iesu Kristo te kolotein e Jon 10:18

E möa ta katuun ga antunan atung hamate naiou lia turu ngil i tanen. Alia peisa te hala nagou a peisar tara tou mate. Alia e ka megu a nitagala tego haniga uu lia ba u katuun te atung hamatie riou lia, na lia e ka has megu a nitagala tego töatöa pouts uu lia. Nonei a ka te ranga mei lia e Tamar tego katoi lia.”

U Bulungana u Niga tere Iesu Kristo te kolotein e Jon 11:25

Be Iesu e poeiena i tanen, “Alia nonei a nitakei pouts turu katuun na nitöatöa. Esi te hamana uana i tar, noahasina te mate uaren romana, kaba nori ena töatöa pouts has riou romana.

Aposol 13:34

“E Sunahan e hatakei poutseien tara tou mate, na nonei ema antunan mate lel nei bate koremena. E möa. E markato uana temar ranga uu e Sunahan tere King Devit: ‘Alia e kato hamana bera gilimiou romana a ka a niga tu ranga hamana naia lia tere Devit i manasa.’

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

Aposol 26:8

Ga e ha tsiponina balimiou te pei miou, ‘Ara ema hamana rei tego tatei hatakei pouts menai e Sunahan u katuun ti mate?’

Aposol 3:18

Ba tara markato teka be Sunahan te kato hantoeiena u raranga i tanen ti hatei mamin u propet hoboto, te poeiena e Mesaia ega sagohi a kamits pan, na e Sunahan e kato hamana noa hasi a ka teka.

Aposol 3:24

“E Samuel na u palair u propet has ti butu hamurimurima i tanen, nori hoboto i rangein a pöata te kana i romana.

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

Kolosi 1:18

U katuun i tanen e hereri u tuenrei i tanen, ba nonei te here nei u baku. Nonei a tantania tara mamanaka, na nonei has te takei mamia tara tou mate, na nonei pouts has te mammamna tara mamanaka hoboto.

Hibru 2:10

E Sunahan e habutu bei a manka hoboto a peisanen. Na e nigana te lu menai e Iesu a kamits, taraha e Sunahan e kato taatago sileien a tsonun mammam bate hapien rena u katuun u parpara bate ngö mera neien i Kolö.