Aposol 26:20 - U Bulunagana U Niga

²⁰ Alia u la mam uu i Damaskus mena hatei ragi u katuun tegi hakapa menaien a man markato a man omi na man hakats a man omi i taren bate habirits uaier tere Sunahan, na tegi kato menaien a manka te haröto nena ti hakapa koru menaien a markato a omi na u hakats u omi i taren. Na lia u kato has uu iesana i Jerusalem na tara man han hoboto i Judia na turu katuun has tema Jiu ri.

Aposol 26:20 Iomraidhean Croise

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 3:8

Te hapolasa ba namia limiou a man markato a man omi i tamilimiou, bora hatara marei tala naiam a markato a niga, tu habirits ba menami limiou a man markato a man omi i tamilimiou.

Matiu 4:17

Nonei tara pöata teka, e Iesu e tanian habulunganein a man raranga i tanen ba e poeiena, “Alimiou go palis ba naiam a man markato a man omi! Taraha, a Nipepeito tere Sunahan e sukusuku hakapa.”

Matiu 9:13

Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”

U Bulungana u Niga tere Iesu Kristo te kolotein e Mak 6:12

Ba maloto na huol a katunun tsitsilo e lar mena hahatei ner tegi palis menai u katuun a man markato a man omi i taren.

U Bulungana u Niga tere Iesu Kristo te kolotein e Luk 1:16

Nonei e habirits pouts mera noi u katuun u parpara ri Israel tere Sunahan a Tsunono i taren.

U Bulungana u Niga tere Iesu Kristo te kolotein e Luk 13:3

E möa koru lasi. Ga lia e hatei ragi limiou, tema palis ba namoui limiou a man markato a man omi i tamilimiou, ba limiou hoboto te mate has mou!

U Bulungana u Niga tere Iesu Kristo te kolotein e Luk 13:5

E möa has. Na lia e hatei ragou limiou, tema palis ba namoui limiou a man markato a man omi i tamilimiou, ba limiou hoboto te mate has mou!”

U Bulungana u Niga tere Iesu Kristo te kolotein e Luk 15:10

Be Iesu e poeiena, “Na lia e ranga mera goulimiou, e markato has uana iesana, u angelo tere Sunahan e sasaala koru has meriou a töa katuun a omi te palis banena a man markato a man omi i tanen.”

U Bulungana u Niga tere Iesu Kristo te kolotein e Luk 15:7

Be Iesu e poeiena, “Na lia e ranga mera goulimiou, e markato has uana iesana, i Kolö e sasaala koru has meriou a töa katuun a omi te palis ba nena a man markato a man omi i tanen. Na nisasaala teka e pan bala nanou a markato te sasaala mena rouien a 99 tara katuun a niga.”

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 15:19

“Bora: aragi ma tatei kato homi rai u katuun tema Jiu ri te habirits menarien a toriren tere Sunahan.

Aposol 17:30

E Sunahan e tara hahalongolo tunir u katuun tara pöata i manasa ti tutu ien. Kaba i romana nonei e hatei renei u katuun tara man han hoboto egi hakapa korui a man markato a man omi na u hakats u omi i taren.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 26:17

Alia e hala mena goui lö tara honoto mölö na turu katuun tema Jiu ri, ba lia te taguhe gou romana lö ba nori tema kato homie roui lö.

Aposol 26:19

Be Pol e ranga noana me poeiena, “O King Agripa, alia uma hipus nai a kana i Kolö teka tu tare malia.

Aposol 3:19

Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou.

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

Aposol 9:35

Ba u katuun hoboto tara huol a taun i Lida na i Seron e tare ren ba nori e töan habirits hoboto uaier tara Tsunono.

U pas te koloto menai e Pol turu kristenira i Rom 2:4

E Sunahan e roron tuatami koruna turu katuun, na ema roron raharaha boroboro nei na ema roron hahuna boroboro has ranei u katuun, taraha nonei e ngilena alimiou go habirits ba naiam a man markato a man omi i torimilimiou. Na limiou goma sigalemi a markato tere Sunahan na egoma hakats papala namien.

2 Korin 3:16

Kaba pöata te habirits uana a katuun tara Tsunono, ba bakunen te takalatana.

2 Korin 7:10

A nitaatagi na nimatsingolo te roron halanena e Sunahan e kato rena u katuun bate habirits ba ner a markato a omi be Sunahan te lu pouts ranen. A nitaatagi teka ema kato homie nei a katuun. Kaba a nitaatagi na i puta turu tsiktsiki teka e habutena romana a tou mate.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

Revelesin 16:11

Ba nori e ranga homi koru ner e Sunahan i Kolö ti sagoho menaien a kamits pan na u pi u omi. Kaba nori ima palis bana ii a markato a omi i taren.

Revelesin 2:21

Alia u haleien a pöata tego palis ba menaien a markato a omi i tanen, kaba nonei e rama.

Revelesin 2:5

Hakats kap tala naiam a markato a nigana i manasa tu rus ba naiam limiou. Paliseiam a man markato a man omi i tamilimiou bate markato haniga pouts uamiou tu kato uaiam limiou i manasa. Te möa nen, alia e la guma romana batemi luba ragi limiou u lam tara makum i tanen.

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.