Aposol 26:18 - U Bulunagana U Niga

¹⁸ Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

Aposol 26:18 Iomraidhean Croise

Matiu 4:10

Be Iesu e ranga menen me poeiena, “Satan, alö go laba naiou lia! Turu Buku u Göagono i koloto hasiin, ‘Alö go hatsunono uu tere Sunahan. Nonei puku a töa a Tsunono i tamölö tego kukuti lö.’”

Matiu 4:16

U katuun ti kaia turu kuhil, nori i tara hakapi u ualesala pan! Na pala ti kaia turu tsiktsiki turu kuhilina tara tou mate, u ualesala pan e alesala uanou i taren.”

U Bulungana u Niga tere Iesu Kristo te kolotein e Luk 1:77

Alö ena hatei ramou u katuun tere Sunahan nonei e luba nanou romana a man markato a man omi i taren bate lu pouts mera nouien i tanen.

U Bulungana u Niga tere Iesu Kristo te kolotein e Luk 1:79

U ualesala i tanen e halesala ranou romana u katuun te ka ria turu kuhil, u katuun te ka uar tara tou mate. Ba nonei te hamatskö rena romana a mourara bara te lauara tara marorona tara masalohana.” E Sakaria temar ranga uu teka.

U Bulungana u Niga tere Iesu Kristo te kolotein e Luk 2:32

Nonei e here noi romana u ualesala, bate haröto nena a maroro i tamölö turu katuun tema Jiu ri, na nonei e hala seie nou a solona a pala i tamölö a tei Israel.”

U Bulungana u Niga tere Iesu Kristo te kolotein e Luk 24:45

Ba nonei e kalatena u hakhakats i taren tegi atei sil menaien u Buku u Göagono, me poeiena i taren, “A manka teka i kolotein: e Mesaia ega sagohi a kamits na ega mate bate takei poutsuna turu hatopisana u lan.

U Bulungana u Niga tere Iesu Kristo te kolotein e Luk 24:47

Na ka teka i koloto hasiin: u bulungana egi hatei la naia turu hun katuun hoboto i puta bate taniana i Jerusalem. Ba u katuun te palis ba ner a man markato a man omi bate hamana uaier tere Mesaia, e Sunahan e tatei luba nena a markato a omi i taren.

U Bulungana u Niga tere Iesu Kristo te kolotein e Luk 4:18

“U Namnamei tara Tsunono e kana i tar. Nonei e hopö kap naiou lia tego hahatei menai lia u Bulungana u Niga turu katuun ti möa ta ka. Nonei e hala namou lia tegomi habulungana menai lia u mar raranga teka: U katuun ti kitsir ena purese rariou, na u katuun u kiou e tatei tara pouts riou. Nonei e hala namou lia tegomi taguhu merai lia u katuun te tori tiamar. Taraha? Nori e pita puta rer.

U Bulungana u Niga tere Iesu Kristo te kolotein e Jon 17:17

Na u raranga i tamölö e mana nitöana. Alö go ranga hahengo raien ba nori te hatalis ba ner a man markato a man omi.

U Bulungana u Niga tere Iesu Kristo te kolotein e Jon 3:19

U kout e markato uana teka: u ualesala e la uama i puta. U ualesala teka e haharuei nena a niateina tara manka hamana tere Sunahan. Ba u katuun te ngiler u kuhil bate rama ner u ualesala, taraha nori ema ka meri ta markato ta niga.

U Bulungana u Niga tere Iesu Kristo te kolotein e Jon 4:10

Be Iesu e ranga palise nen me poeiena, “Alö ema atei silemi a ka a niga te ngilin hala nanei lö e Sunahan na esi te rangate neilö tatsi ramun. Alö sanena te atei sile moulia, balö te tatei rangata nem tatsi ramun i tar, balia te hale goi lö u ramununa tara nitöatöa!”

U Bulungana u Niga tere Iesu Kristo te kolotein e Jon 4:14

Kaba a katuun te ua noua turu ramun te hala nagou lia ema antunan maka lel noi. Taraha, u ramun te hale gouien lia e here noi a kioun ramun i peisanen, te bututu sei nitöa menou a nitöatöa te ka nitöana.”

U Bulungana u Niga tere Iesu Kristo te kolotein e Jon 8:12

E Iesu e ranga lel uu turu katuun me poeiena, “Alia u ualesala te alesala uana turu katuun i puta. Esi te kukutie noulia ema tataala lel noi turu kuhil kaba e ka menou u alesalana tara nitöatöa hamana.”

U Bulungana u Niga tere Iesu Kristo te kolotein e Jon 9:39

Be Iesu e poeiena, “Alia u la silema i puta tegomi lu kata merai lia u katuun te hamanar na u katuun te hahamanar. U katuun te hamanar e markato uar tara katuun a matakiou te kato hakalata poutse gula lia. Na u katuun te hahamanar e kato uar tara katuun a mata kalata kaba ema tare nei ta töa taka.”

U Bulungana u Niga tere Iesu Kristo te kolotein e Jon 9:5

Pöata te ka noa gia lia i puta, alia u ualesala turu katuun i puta.”

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

Aposol 13:47

A Tsunono e mar hatei mera mei lam teka: ‘Alia e haka here ragi limiou u ualesala turu katuun tema Jiu ri. Ba limiou te tatei taguhu ramiou u katuun tara mamana han i puta, ba lia te lu pouts ragouen romana.’”

Aposol 15:9

Kaba nonei ema katoe ii a tabina markato i tarara na tabina markato i taren. E möa. Nori i hamanaia i tanen, na tara markato lasi teka te luba meien a markato a omi i taren.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 20:32

“Na lia e haka tala ragia limiou tara nipepeito tara Tsunono, na turu rangana tara nihitaguhu i tanen. Nonei e antunan hatagala nena a nihamana i tamilimiou bate hala ranei limiou a manka man niga hoboto, te roron hala ranei e Sunahan u katuun hoboto te hopö kap meraien i tanen.

Aposol 26:19

Be Pol e ranga noana me poeiena, “O King Agripa, alia uma hipus nai a kana i Kolö teka tu tare malia.

Aposol 26:23

U ranga teka e poeiena e Mesaia a katuun te hahalose rara ega sagohi a kamits ba nonei te takei mam pouts noa tara tou mate ba nonei tena habulungana nena tego lu pouts merai e Sunahan u Jiu na u katuun tema Jiu ri.”

Aposol 3:19

Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou.

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

2 Korin 6:14

Na limiou goma ka gono merami u katuun te hahamanar bate taguhu ramen tara markato i taren. E möa. Ime temar kui haniga uariou a markato a niga na markato a omi? E möa. U ualesala na u kuhil ema tatei ka hobotori.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 3:14

E Kristo e markato uu teka ba u katuun has tema Jiu ri te kalala sila raria tere Abraham ti hamana uaien tere Iesu Kristo. Nonei e markato uu teka ba tara nihamana i tarara bara e luera u Namnamei u Göagono tere Sunahan ti ranga hamana nen.

Galesia 3:2

Na lia e ngilin rangata ragi limiou a töa ka: u Namnamei tere Sunahan e la uama i tamilimiou tu kukute mena milimiou a Lo turu Jiu, tsi tu hengo mena milimiou u Bulungana u Niga bate hamane men?

Epesis 1:11

A mamanaka hoboto te butuna e tahongona tara manka man kapan te ngilena e Sunahan. E Sunahan e hopö kap sil raira i manasa tegi katuun uu ra i tanen bate ka hoboto gono mera e Kristo, taraha nonei a ka te ngilin katoeien.

Epesis 1:14

U Namnamei tere Sunahan te kana i tarara e here nei u raranga u tagala hamana te haröto raneira e Sunahan, e hala ranoui ra a ka te ranga hamana naien turu katuun i tanen. Ne haröto has nena e Sunahan e sakahis pouts nitöa ranoura te katuun hoboto uarara i tanen. Bara te haniga uara tere Sunahan te pan saluhena bate soloseie ren.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Epesis 2:8

E Sunahan e lu pouts merai ra tara nihihitaatagi peisa i tanen turu nihamana i tarara. A ka teka ema butu mei a toukui i tarara. E möa. E Sunahan e hala pukpuku raienra.

Epesis 4:18

Nori e ka halehana ba ner a nitöatöa tere Sunahan. Na bakuren e kuhilina na e kamer u tori u omi, taraha, nori e hipus korur bate kato hatutueier u hakats i taren.

Epesis 5:11

Alimiou goma ka gono merami u katuun te katoeier a markatona turu kuhil. E ma habute nei ta ka ta niga. Na limiou go haröto naiam te omi uana a markato teka.

Epesis 5:14

A mamanaka te hahankana tegi tara menaien e tatei butun ualesalana. Nonei te ranga beiena u Buku u Göagono bate poeiena: “Alö te sohom, tagule! Takei ba poutsin a tou mate i tamölö. Be Kristo te hale noi lö u ualesala.”

Epesis 5:8

Alimiou i ka has mia turu kuhil. A ka teka e haharuei nena a markato a omi. Kaba i romana alimiou e ka tala mia turu ualesala tara Tsunono. Ba limiou te ka here rami u katunura turu ualesala.

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

2 Timoti 2:26

Ba nori te lue riou u hakats u niga bate bus kopis ba nariou a tanga tere Satan te pile kap ranen bate kukutieier u ngilngil i tanen.

Hibru 10:10

E Iesu Kristo e halan a peisanen a töa koru a pöata tara mamana pöata. Nonei e kato raira u katuun u matskö tere Sunahan, taraha nonei e katoi a ka te ngili e Sunahan.

Hibru 10:14

Turu töa puku u haats, nonei e kato haniga nitöar u katuun te kato raien u katuun u matskö tere Sunahan tara markato i taren i puta.

Hibru 11:6

Te möa rara tu nihamana tere Sunahan, nonei ema antunan sasaala mera neira. Taraha, esi te ngilin la uanama tere Sunahan ega hamani e Sunahan e kana, bate hala nena a manka man niga turu katuun te sakie ren.

Hibru 9:15

E Kristo te habutu u rangan kits u tsimus tere Sunahan na u katuun, ba u katuun te ngöri e Sunahan te tatei lueier a manka a man niga te ranga hamanein e Sunahan bate ka nitöar. Taraha, e Kristo te mate, na tou mate i tanen te sakahis ba rai u katuun a man markato a man omi ti katoeien tara pöata turu rangan kits mam.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

1 Pita 2:25

Alimiou i here rami u sipsip ti hatutui a maroro i taren. Kaba limiou i la pouts hakapa uamuma tere Sunahan te taratara kap nena u namnamei i tamilimiou.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.

1 Jon 1:9

Te ranga hatei na riara a man kato homi i tarara, be Sunahan te töan luba nena a man markato a man omi i tarara bate galus ba has nena a manka man omi hoboto te kana i tarara, taraha nonei e kato hamana nitöa neiena a ka te ranga nanen bate kato hamatskö nitöa nanen.

1 Jon 2:12

A matsi galapien alia e koloto uagu i tamilimiou, taraha e Iesu e luba hakapein a man markato a man omi i tamilimiou.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.

1 Jon 5:19

Ara e atei silera ara galapien tere Sunahan na mamana han hoboto i puta e kana tara nipepeito tere Satan.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.

Revelesin 21:27

Kaba a katuun a katokato homi na gamogamo tsi ta töa ta ka ta omi ema antunan tasu noi romana. U katuun peisa a soloren ti koloto hakapa raia iahana u bukuna tara nitöatöa tara Tunan Sipsip te tatei tasu riou.